Halyqaralyq «Alaş» syilyǧynyŋ laureaty, «Qūrmet» jäne «Parasat» ordenderınıŋ iegerı Sofy Smataev ekı ministrlıkte qyzmet ıstep jürgen ūly men qyzyn Kärım Mäsımov bır-aq künde jūmystan şyǧaryp jıbergenı turaly aitty. Ol būl turaly feisbuktegı paraqşasynda jariialady, dep habarlaidy “Adyrna” ūlttyq portaly.
Jazuşy keiıngı uaqytta densaulyǧynyŋ naşarlaǧany jaily jiı jazyp jür. Onyŋ aituynşa, üş ai saiyn em alyp jürgen auruhanasy özın tırkeuden şyǧaryp tastaǧan.
«Asqazany joq aǧzamnyŋ qabyldaǧan taǧamdy jartylai ǧana qorytyp, qajettı vitaminderdı jetkıze almai, qanymdy sūiyltyp, aǧarta bastaǧanda, auruhanaǧa üş aida bır jatyp, qyzyl tüiırşıkterdı bıraz jinap qaituşy edım. Tırkeuden şyǧaryp tastaǧannan berı sol qan aǧaruynan seskengen üreiımdı köbırek jazyp ketıp, ümıtımdı üzgızbei, jıgerımdı jasytpai qadaǧalap otyratyn Şäkem ol jaqqa ketkelı ürgedek uaiymǧa salynyp, sızderdı de şoşytyp alǧanymdy sezınıp otyrmyn. Tamyzdyŋ onynan auruhanaǧa jatyp-şyǧyp, qūdai qalasa, qūldyraŋdap oralam ǧoi», – dep jazdy ol.Sondai-aq ol otbasy jaily da söz qozǧaǧan.
«Qūdaiǧa şükır ekı ūl, bır qyz, tört nemerem bar. Bärı universitet tämamdaǧan mamandyq ielerı. Qyzym universitetten soŋ Kimepte aǧylşynşa oqyp, sonda aǧylşyn tılınde sabaq ta bergen. Keiınde ekı ministrlıkte qyzmet ıstep jürgen ūl, qyzymdy Kärım Mäsımov bır-aq künde jūmystan şyǧaryp jıbergen- edı. Oǧan sebep – menıŋ «Q.Mäsımovtyŋ Qytai men Reseidıŋ joǧyn joqtap, qazaq müddesın aiaqqa taptap otyr» degen maqalamnyŋ jaryq köruı edı. Üş balam da memlekettık qyzmetke maŋailatpaǧan soŋ, aulaqtanyp qalyp, tiıp-qaşty şaruamen kün körıp jür. Barselonadan oqu bıtırıp kelgen nemeremdı qyzmetke aluyn sūrap elbasyǧa hat ta jazǧam. Nazarbaevtyŋ «tapsyruymen» qala äkımı bolǧan Bauyrjan Baibek myrza nemereme Ūlttyq Saraidyŋ aula sypyruşysynyŋ (dvornik) ailyǧy 35 myŋ orynbasarynyŋ «lauazymyn» ūsynyp, mazaqtaǧandai töbemnen basyp, tömen tūqyrtqan. İä, būl menıŋ otbasymnyŋ özgelerden ozbaǧan da, qalmaǧan da küiı ǧana», – dep jazdy qalamger.Onyŋ sözınşe, tırkeuge QR eŋbek sıŋırgen qairatkerı degen ataǧy jaramaidy. Tırketuge keregı – Memlekettık syilyqtyŋ laureaty. Nemese jazuşyda Qazaqstannyŋ Eŋbek Erı ataǧy boluy tiıs.
