Türkıstan oblysynda infraqūrylymdy jaqsartu, tūrǧyndarǧa jaily orta qalyptastyru baǧytynda jüielı jūmystar jalǧasuda. Oblys äkımı Nūralhan Köşerov Türkıstanda qūrylysy jürıp jatqan nysandardyŋ jai-küiıne kezektı ret şolu jasap, jauapty basşylardyŋ esepterı men ūsynystaryn tyŋdady.
Öŋır basşysyna Qabanbai batyr eskertkışı aumaǧyn retke keltırujobasy tanystyryldy. Jospar boiynşa osy aumaqta şahmat alaŋy, aiaqjol, oryndyqtar men urnalar, qorşau ornatu közdelgen. Sonymen bırge kögaldandyru jūmystary küşeitılmek.
Türkıstan – bügınde ırı turistık ortalyqqa ainalyp keledı. Sondyqtan temırjol boiynda da tūrǧyndarǧa, jolauşylarǧa qolaily jaǧdai jasaluy tiıs. Osy rette Türkıstan temırjoly boiynda ekı jolauşylar köpırı salynyp jatyr. Oblys äkımı solardyŋ bırınde bolyp, qūrylystyŋ sapasyn baqylaldy. Merdıger men tehnikalyq qadaǧalauşyǧa syn-eskertpe aityp, jūmys sapasyn jaqsartudy tapsyrdy.
Jauapty basşylarǧa osy qūrylysty qadaǧalap, talapqa sai etudı mındettedı. Atalǧan köpırlerdıŋ bıreuınıŋ ūzyndyǧy 117 metr bolsa, ekınşısınıŋ ūzyndyǧy 46 metr bolady dep josparlanǧan. Qūrylysty biyl aiaqtap, nysandy el igılıgıne tapsyru közdelıp otyr. Qarjysy bölıngen.
Ūqsas jaŋalyqtar
