Türkıstan qalasynda Memleket basşysy Qasym-Jomart Toqaevtyŋ «Taza Qazaqstan» baǧdarlamasy aiasynda qorşaǧan ortany qorǧau men ekologiialyq mädeniettı qalyptastyruǧa baǧyttalǧan auqymdy ıs-şara öttı.
İgı bastamaǧa Türkıstan oblysynyŋ äkımı Nūralhan Köşerov, oblystyq basqarmalar men departamentter basşylyǧy men ūjymy, memlekettık qyzmetşıler, qala tūrǧyndary, tazalyqqa jauapty mekeme jūmysşylary jäne Türkıstan qalasy äkımdıgı men qoǧamdyq ūiym ökılderı qatysty.
Öŋır basşysy Nūralhan Köşerov tabiǧat janaşyrlarymen kezdesıp, bırge köşet ektı.
– «Taza Qazaqstan» – bır jyldyq baǧdarlama emes. Ol ömır saltymyzǧa ainaluǧa tiıs. Tek aksiialarda ǧana emes, kündelıktı ömırde aǧaş egıp, tazalyqty saqtai bılsek, ony nasihattap, jastardy da igı ıske jūmyldyrsaq, bastama öz jemısın beredı. Barşa oblys tūrǧyndaryn aimaqty kögaldandyruǧa üles qosuǧa şaqyramyz, – degen Nūralhan Köşerov el aǧalarymen, jastarmen pıkır almasty.
Is-şara aiasynda qalany kögaldandyru jäne ekologiialyq ahualdy jaqsartu maqsatynda jappai aǧaş egu jūmystary jürgızıldı. Nätijesınde bır künde 1200 tüp Qyrym qaraǧaiy men 1000 tüp japyraqty aǧaş egıldı. Osylaişa, jalpy sany 2200 aǧaş köşetı egılıp, Türkıstanǧa kıreberıstegı jasyl beldeu aitarlyqtai tolyqty. Bolaşaqta būl aumaq saialy baqqa ainalmaq.
Būl bastama Türkıstan qalasynyŋ ekologiialyq jaǧdaiyn jaqsartuǧa, jasyl jelekter kölemın arttyruǧa jäne tūrǧyndardyŋ tabiǧatqa degen jauapkerşılıgın küşeituge baǧyttalǧan. Taŋǧy 7:30-dan bastap aǧaş ekken köpşılık qauym köterıŋkı köŋıl-küimen tarqasty. Kögaldandyru jūmystary aldaǧy uaqytta da jalǧasyn tabady.
Aita keteiık, Türkıstan oblysynda 2021-2025 jyldar aralyǧynda 800-den astam eldı mekende 3,6 milionnan astam aǧaş köşetın egu közdelgen. Al biyl «Taza Qazaqstan» baǧdarlamasy arqyly 1 million tüp aǧaş egu jospary bekıtılıp, naqty jūmystar jalǧasyp jatyr.
