Talǧar audanyna qarasty TOO «Ekoservis grupp» qoqys poligonynda ört şyqty. 1 mausym künı tüskı uaqytta bastalǧan älı tolyqtai söndırılmegen. Talǧar audany baspasöz qyzmetınıŋ habarlauynşa, örttıŋ neden paida bolǧany belgısız.
Qazırgı taŋda örttı söndıruge 12 adam, 4 tehnika jūmyldyrylǧan. Ört 4 gektar aumaqty qamtyǧan. Eskeretın jait: Talǧar audanynyŋ aumaǧyna Talǧar jäne Esık qalalary men Besqainar jäne Bırlık auyldary kıredı. Qoqys poligonyna jaqyn jatqan eldı-mekender 2 täulıkten berı tütınnıŋ qūrsauynda otyr. Tūrǧyndarǧa qūzyrly organdar tarapynan kömek körsetılmegen.
Apat jaily ekolog maman Qairat Nūrhannyŋ pıkırın bıldık. Talǧar audanynyŋ ekologınıŋ aituynşa, qoqys jinauǧa sauatty türde kırıspegen TOO «Ekoservis grupp» kompaniiasynda eşqandai qauıpsızdık şaralary saqtalmaǧan. Poligon jerasty suyna öte jaqyn jerde ornalasqan. Qoqys qaldyqtary jerasty suyna aralasyp, jaqyn maŋdaǧy eldı-mekenderdegı halyq paidalanyp otyrǧan auyzsuǧa zardabyn tigızude. Poligon ken bailyqtaryn öndıru üşın qazylǧan karerdıŋ üstınen salynǧan. Jerasty suyna jaqyn jer bolǧandyqtan qūrylys jūmystary da toqtatylǧan eken. Al qoqys kompaniiasy būl faktordy eskermegen bolyp otyr.
Qairat Nūrhan, ekolog: «Poligonǧa orta eseppen Almaty qalasynan 200-300 tonna qoqys äkelınedı. Ört qoqysty örtegennen paida boluy mümkın. Nemese rekultivasiia jasalmaǧan. Ol degenımız bülıngen jerlerdıŋ qūnarlylyǧyn qaita qalpyna keltırıp, qorşaǧan ortany jaqsartu üşın jürgızıletın keşendı jūmys. Būl boiynşa bülıngen jerge 1-2 metr topyraq tastalu kerek.
Ört tütınınıŋ qūramynda 12 türlı himiialyq element bolady. Būl elementter adamda obyr auruynyŋ tuyndauyna äkelıp soǧuy mümkın»
Atalmyş kompaniianyŋ sybailas jemqorlyqqa qatysy bar degen boljam bar. Sebebı, qauıpsızdık şaralaryn tekseruge mındettı ekologtar poligondy älı künge deiın tolyqqandy tekseruge qol jetkıze almaǧandyqtaryn aitty. Kompaniia qyzmetkerlerı käsıpkerlık kodekstı jeleu etıp, tekserıske tosqauyl qoiatyn körınedı. Ekolog mamandar būl mäsele boiynşa audandyq prokuraturadan da, audandyq äkımşılıkten de rūqsat ala almai keledı. Ekolog Qairat Nūrhan qūzyrly organdarǧa hat jazudan jalyqpaimyz dep tastüiın bekınıp otyr.
Tütınnıŋ qūrsauynda qalǧan halyqtyŋ jaǧdaiy ne bolary belgısız.
"Adyrna" ūlttyq portaly
Ūqsas jaŋalyqtar
