Jaldamaly ekı er adam 1986 jyly tuǧan äieldıŋ päterıne zaŋsyz kırıp, fizikalyq küş körsetıp, ūrlap äketken. Olar äieldı Almatyǧa äkelıp, zorlyqpen narkologiialyq klinikaǧa jatqyzǧan, dep habarlaidy "Adyrna" ūlttyq portaly Zakon.kz-ke sılteme körsete otyryp.
"2023 jylǧy 27 aqpanda Talǧar audanynyŋ polisiia basqarmasyna 1986 jyly tuǧan äiel päterıne zaŋsyz kırıp, fizikalyq küş körsetıp, ūrlap äketken, Almatyǧa äkelıp, zorlyqpen narkologiialyq klinikaǧa jatqyzǧan beitanys adamdardy qylmystyq jauapkerşılıkke tartu turaly aryz tüsırdı", - dedı Talǧar polisiia basqarmasy.Talǧar audany polisiiasynyŋ aldyn ala mälımetı boiynşa, būǧan zardap şekken äieldıŋ anasy tapsyrys bergen.
"Tergeudıŋ nätijesınde joǧaryda atalǧan äieldıŋ anasy küdıktı retınde anyqtaldy. S.qyzyn mäjbürlep emdemek bolyp, ony medisinalyq mekemege jetkızu üşın ekı er adamdy jaldady", - dep mälımdedı Talǧar polisiia basqarmasy.Būl ıs Talǧar polisiia basqarmasynda QR Qylmystyq kodeksınıŋ 125-baby 2-bölıgı "Adam ūrlau" boiynşa Sotqa deiıngı tergep-tekserulerdıŋ bıryŋǧai tızılımınde tırkelgen. Qazırgı uaqytta tergeu jalǧasyp jatyr.
"Adyrna" ūlttyq portaly
Ūqsas jaŋalyqtar
