"Almaty" telearnasynyŋ jurnalisı Madina Oqas Talǧar audany, Däulet auylyndaǧy oquşylardyŋ müşkıl hälın söz etıp, dabyl qaqty. Onyŋ aituynşa, 2017de qūrylysy bastalyp, 2019da paidalanuǧa berıluı tiıs mekteptıŋ jöndeu jūmystary älı bıtpegen. Balalardyŋ igılıgıne bölıngen aqşa orta jolda joǧalyp, jauaptyn jaltarǧan audan mamandary aqyr soŋynda jurnalisterden jaltaryp, därethanaǧa baryp tyǧylǧan. Būl soraqy jaidy "Adyrna" ūlttyq portaly habarlaidy.
Madina Oqas öz jazbasynyŋ basynda ar-ūiattan bezgenderge qarata tüirei söileidı:
- Aǧalar, ūiat qaida?! Talǧar audany Däulet auylynyŋ oquşylary üş jyldan berı onlain oqidy. Öitkenı, 2017-de qūrylysy bastalyp, 2019-da paidalanuǧa berılgen mekteptıŋ jöndeuı bıtpegen. Eŋ soraqysy, biudjetten qūrylysqa dep bölıngen 1,6 mlrd teŋgenıŋ qaida ketkenın eşkım aşyp aita almady. Aitpaq tügılı, audan äkımdıgınıŋ mamandary därethanaǧa tyǧylyp, jauaptan jaltaryp jür!Talǧar audany äkımınıŋ orynbasaryna tıptı söz joq! Üş respublikalyq telearnanyŋ kelıp tūrǧanyn bılıp, "BBC, CNN-dı de şaqyryp almadyŋyzdar ma?", "Kelseŋder, qūtty bolsyn, endı qaiteiın?",-dep şala bülınedı. Būl bergı jaǧy... Audioda bärı jazylǧan, - dedı jankeştı jurnalist.
Keiınnen balalar igılıgıne bölıngen aqşanyŋ böten baǧyt, terıs torapta jūmsalyp, qoldy bolǧanyna keiıs bıldırdı.
- Beu, aǧalardyŋ bırazynyŋ betın tılse qan şyqpaidy ǧoi qazır! Basqa-basqa, balaǧa dep bölıngen qarjy edı ǧoi ol! 700-den astam oquşynyŋ obaly kımge? Bırer ai būryn ministr Aimaǧambetov kelıp, tapsyrma berıptı. Oǧan deiın nege äreket etuge bolmady? Odan keiıngı nätije qaisy? Äkımdık ökılı "1 aida truba töseledı, balalardy oflainǧa auystyramyz",-deidı. Almatydan arnaiy kelgen men bılıp tūrmyn şaruanyŋ 1 aida bıtpeitının. Bylyqtyŋ ortasynda jürıp būlar kımge ertegı aitady?! Qaidar Äbdıhanov özıŋızge de habarlastyq, aituyŋyz boiynşa äreket qyldyq. Mūrty qisaimaǧan mamandaryŋyzdyŋ mazaǧyna qala berer jai joq. Tüzu sūraqqa tüzu jauap berudı üirensın! - dep jazdy Madina Oqas.
Mektep nysanyna tapsyrys beruşı - "Talǧar audany qūrylys bölımı" MM 2017 jyldyŋ 23 qaraşasynda "Elaman" JŞS-men 1 milliardqa kelısımşart jasasqan. Jobalauşy - "Nūr-Qūrylys-80" JŞS. Mekteptı jabdyqtauǧa 71 million teŋge bölıngen. Alaida, Däulet auylynyŋ balalary mektep qabyrǧasyn körmegelı 3 jyldan asty.
"Talǧar jönı tüzu äkımge jarymady", "BBC, CNN-ge şyqqysy kelse, şyǧady bır künı. “Ūialǧan tek tūrmas” degen sol. Jurnalisterdı keketıp-mūqatqanşa, aldyndaǧy jūmysyn ıstemei me eken?!.", "Ar-ūiattan bezgender" dep jazdy oqyrmandar.
"Adyrna" ūlttyq portaly
Ūqsas jaŋalyqtar
