Talǧarda kuäger qar jauyp tūrǧan kezde asfalt tösegen jūmysşylardy videoǧa tüsırıp aldy, - dep habarlaidy “Adyrna” ūlttyq portaly Tengrinews.kz saityna sılteme jasap.
Video avtorynyŋ aituynşa, oqiǧa 8 jeltoqsanda Abylai han köşesınde bolǧan. Videodan qar jauyp tūrǧanyn köruge bolady.
"Ne üşın osyndai bolyp jatqanyn bılesızder me? Jyl soŋy, al biudjettı igeru kerek", - deidı video avtory.
"Avtodor Talgar" kompaniiasynyŋ ökılderı būl videoǧa qatysty pıkır bıldırdı.
"Almaty oblysynyŋ qūrylys basqarmasy - Talǧar qalasy Abylai han köşesındegı 1200 oryndyq orta mektepke kärız jürgızuge tapsyrys beruşı, merdıger - Bi Global JŞS. Merdıger QNjE säikes qolaily aua raiynda joldyŋ bülıngen uchaskesın asfalttau turaly bırneşe ret habardar etıldı. Alaida merdıger eskermedı. Merdıger ūiymnyŋ aqparatyna säikes, jūmystar qūrylys saluşynyŋ esebınen jürgızıledı. Tapsyrys beruşı şeşım qabyldaǧanǧa deiın jūmystar toqtatyldy", - dep atap öttı ūiym ökılderı.
Būl Talǧarda qar jauǧan kezde asfalt töselgen alǧaşqy jaǧdai emes. Osyǧan ūqsas oqiǧa biylǧy qaraşa aiynda bolǧan. Sol kezde Talǧar äkımınıŋ orynbasary salǧyrttyǧy men merdıger ūiymnyŋ jūmysyna tiıstı baqylaudyŋ joqtyǧy üşın qataŋ sögıs estıgen.
“Adyrna” ūlttyq portaly
