Májilis depýtaty Ashat Aımaǵambetov mektepter men aýrýhanalarǵa salynatyn ádiletsiz aıyppuldar týraly pikir bildirdi. Bul týraly mınıstr áleýmettik jelidegi paraqshasynda jazdy, dep habarlaıdy “Adyrna” ulttyq portaly.
"Mektep, aýrýhana, balabaqsha, kolledj sııaqty bıýdjettik mekemelerdiń dırektorlaryna júz myńdaǵan aıyppul salý problemasy ýshyǵyp barady. Keıin sol 500-600 myń aıyppuldy dırektor qalaı jáne kimnen jınaıtyny aıtpasa da túsinikti", - dep jazdy ol áleýmettik jelide.
Onyń pkirinshe, dırektorlardy mekteptiń úsh aýysymdy bolǵany nemese qural-jabdyqtary men zerthanalary jetkilikti deńgeıde bolmaǵany úshin aıyppul tóleýge májbúrleý – ádiletsiz.
"Óıtkeni eger mektep úsh aýysymdy bolsa, bul dırektordyń kinásy emes, ákimshiliktiń kemshiligi. Buǵan qosa, memleket tarapynan mektepterdiń jetkiliksiz qarjylandyrylýy da osy máselelerge ákeledi", - deıdi Aımaǵambetov.
Ol quzyretine jatpaıtyn, ıaǵnı tikeleı áser ete almaıtyn máseleler úshin aıyppul salýdy toqtatý qajet dep sanaıdy.
Sondaı-aq depýta dárigerlerdi óz mamandyǵynan tys jumystarǵa tartqany, qajetsiz esepterdi talap etkeni úshin jaýaptylyqqa tartý quzyretin polıııadan alyp, densaýlyq saqtaý mınıstrliginiń komıtetine berýdi usyndy.
Aıtýynsha, depýtattar tıisti túzetýlerdi bergen.
