Jambyl oblysy äkımdıgınıŋ bılım basqarmasy mūǧalımderge kündelıktı "Erkeletu saǧatyn" ötkızudı būiyrdy. "Erkeletu saǧatynda" mūǧalımder äleumettık jelı arqyly ata-analardyŋ öz balasyn kündelıktı erkeletuın qadaǧalap, oblys äkımdıgıne mälımet beruı tiıs, dep habarlaidy "Adyrna" ūlttyq portaly.
Erekşe "Erkeletu saǧaty" jaily qoǧam belsendısı Arnat Baiseiıtov jazdy.
- Mynau ne masqara endı, Jambyl oblysy äkımdıgı? “Erkeletu saǧaty” nesı taǧy? Mūǧalımderdıŋ jalaqysyn säl köterıp, jūmysty üiıp tögıp berudı doǧaru qajet dep esepteimın. Mūǧalım de adam! Onyŋ jeke ömırı joq pa? Eger bala meiırım körmei jürse, oǧan basqa organ aralassyn. Mūǧalım - bılım beretın maman, - dep jazdy avtor.
Arnat Baiseiıtovtıŋ sūraǧyna jauap bergen Jambyl oblysynyŋ bılım basqarmasy atalmyş bastamanyŋ otbasylyq qūndylyqtardy nyǧaitumen, bılım salasy men tärbie jūmysyn ūştastyrumen bailanysty ekenın jetkızdı.
- Qazırgı taŋda bılım salasyndaǧy tärbie jūmysy tärbienıŋ tūjyrymdamalyq negızderıne säikes qūrylǧan baǧyttar boiynşa jüzege asyryluda. Joǧaryda körsetılgen hat kämeletke tolmaǧandar arasynda türlı keleŋsız oqiǧalardyŋ aldyn alu üşın ata-analarmen bailanys ornatyp, otbasylyq tärbienıŋ maŋyzdy ekendıgın eskeru maqsatynda joldanǧan. Degenmen, joldanǧan hattyŋ maǧynalyq tūrǧyda dūrys qūrylmauyna bailanysty jauapty mamanǧa qyzmettık tergep-tekseru jürgızılıp, tärtıptık şara qoldanylady. Sonymen qatar, bılım basqarmasy tarapynan pedagogtardy jūmystan tys uaqytta jūmysqa tartu turaly tapsyrma berılmegendıgın jäne artyq jūmys mındettelmeitının habarlaimyz, - dep habarlady bılım basqarmasy ökılderı.
Qoǧamdyq pıkırtalas tudyrǧan mälımdemege qatysty syn aityp jatqandar köp.
"Qaitadan qaǧazbastylyq... Ötırık sifrlar... körsetetın bolady. Artyq jūmystan mūǧalımdı bosatty emes pe? Mūǧalım oquşyǧa bılım beruı kerek, al kündelıktı köŋıl-küiı üşın aldymen ata-ana jauapty. Ne bolsa sony mūǧalımderdıŋ arqasyna arta beru dūrys emes dep oilaimyn" dep jazdy jelı qoldanuşylary.
"Adyrna" ūlttyq portaly
Ūqsas jaŋalyqtar
