Oqu-aǧartu ministrı Jūldyz Süleimenova Abai oblysyna jūmys sapary aiasynda öŋırdegı üş audan - Besqaraǧai, Aiagöz, Jarma audandarynyŋ şalǧaidaǧy auyldarynda ornalasqan bılım beru ūiymdaryn aralady, dep habarlaidy "Adyrna" tılşısı ministrlıktıŋ baspasöz qyzmetıne sılteme jasap.
Öŋır basşysy Berık Uälimen bırge Aiagöz qalasynda«Keleşek mektepterı» ūlttyq jobasy aiasynda salynǧan zamanaui ülgıdegı 600 oryndyq jaŋa mekteptıŋ aşylu räsımıne qatysty.
Qala tūrǧyndaryn jaŋa mekteptıŋ aşyluymen qūttyqtaǧan ministr elımızde Memleket basşysynyŋ bastamasymen bılım sapasyn arttyruǧa baǧyttalǧan infraqūrylymdyq jaŋǧyrtu jūmystary keşendı türde jüzege asyrylyp kele jatqanyn atap öttı.
«Keleşek mektepterı» ūlttyq jobasy aiasynda elımızde balalarǧa qauıpsız ärı qolaily jaǧdai jasalǧan innovasiialyq oqu oryndarynyŋ jaŋa jelısı qūryldy. Abai oblysynda biyl halyqaralyq bılım saiystaryna qatysqan 18 oquşynyŋ 14-ı jüldelı oryndarǧa ie boldy. Būl ūlt ziialylary düniege kelgen mekende ǧasyrlar boiy qalyptasqan ziiatkerlık äleuettıŋ saqtalǧanynyŋ aiqyn dälelı»,- dedı oqu-aǧartu ministrı Jūldyz Süleimenova.
Öŋırde bügıngı künı 4-şı Keleşek mektebı paidalanuǧa berıldı, sondai-aq bır mekteptıŋ qūrylysy jürgızılude, biyl 9 mektep zamanaui standarttarǧa säikestendırılıp, renovasiiadan öttı, 2026 jyly 26 mektepke kürdelı jöndeu jürgızıledı.
«Būl mektep Aiagöz qalasyndaǧy mektep tapşylyǧy mäselesın şeşuge septıgın tigızedı. Şetkerı audan tūrǧyndaryna arnalǧan, barlyq jaǧdai jasalǧan zamanaui bılım ordasy», - dedı öŋır basşysy Berık Uäli.
Sonymen qatar ministr öŋırdıŋ şalǧai auyldaryndaǧy
mektepterde bolyp, pedagogikalyq ūjymdardyŋ auyldarda bılım sapasyn arttyru, balalarǧa qolaily jaǧdai jasau jönındegı ūsynys-tılekterın tyŋdady. Besqaraǧai audanyndaǧy Başköl negızgı mektebınde 40 oquşy bılım aluda, mektepte 18 pedagog qyzmet etedı. Aita ketu kerek, Abai oblysynda 311 mekteptıŋ 166-sy — şaǧyn jinaqty mektepter.
Sonymen qatar ministr osy audannyŋ Suyqbūlaq auylynda apatty dep tanylǧan mekteptıŋ ornyna salynyp jatqan jaŋa mekteptıŋ qūrylysymen tanysty. 100 oquşyǧa arnalǧan bılım ordasy 2026 jyly paidalanuǧa berıledı. Ǧimarat «Keleşek mektepterınıŋ» arhitekturalyq jobasynyŋ ülgısınde salynuda. Aita ketu kerek, būl auylda bırneşe jyldan berı bastauyş synyp oquşylary eskı ǧimaratta bılım aluǧa mäjbür, al 5-11 synyptyŋ oquşylary körşı auylǧa avtobuspen tasymaldanady.
Öŋırlerge saparynda oqu-aǧartu ministrı inkliuzivtı jäne arnaiy bılım berudıŋ sapaly ūiymdastyryluyna erekşe köŋıl böledı. Jūldyz Süleimenova Semei qalasyndaǧy №9 «Aigölek» böbekjaiynda boldy. Mūnda erekşe bılım berudı qajet etetın balalar üşın resurstyq inkliuzivtı kabinet, logoped jäne ūlttyq qūndylyqtar kabinetterı, sport jäne muzyka zaldary jasaqtalǧan.
Ekı künde oblystyŋ üş audanyndaǧy bılım nysandarynyŋ jaǧdaiymen tanysqan Oqu-aǧartu ministrı Jūldyz Süleimenova bılım basqarmasy men aumaqtyq bılım sapasyn qamtamasyz etu departamentınıŋ basşylaryna öŋırdegı bılım beru infraqūrylymyn jaŋǧyrtu, pedagogterdıŋ märtebesın köteru, balalarǧa sapaly bılım aluǧa barynşa qolaily jaǧdai jasau jäne qauıpsızdıkterın qamtamasyz etudı küşeitu jönınde tapsyrmalar jüktedı.
