Almaty oblysynyń prokýratýrasy Talǵar aýdanyndaǵy mektepterdiń birinde esepshiniń jalaqyǵa arnalǵan bıýdjet qarajatyn urlaý faktisin anyqtady. Bul týraly oblystyq prokýratýranyń baspasóz qyzmeti málimdedi, dep habarlaıdy “Adyrna” ulttyq portaly.
Aqparatqa súıensek, quqyqbuzýshylyq faktisi mektepte jumys istemeıtin qyzmetkerleri men olardyń týystaryna aqsha aýdarý arqyly jasalǵan.
Aldyn ala keltirilgen shyǵyn 90 mıllıon teńgeden asady jáne shyǵyndy esepteý jalǵasýda.
Atalǵan fakti boıynsha oblys prokýratýrasy Qylmystyq kodekstiń 189 baby 2-bóligi 4-tarmaǵy boıynsha qylmystyq is qozǵap (senip tapsyrylǵan bóten múlikti ıemdenip alý nemese talan-tarajǵa salý), Almaty oblysy boıynsha ekonomıkalyq tergeý basqarmasyna joldandy.
Osyǵan uqsas fakt Eńbekshiqazaq aýdanynda da anyqtalyp, tergeý qorytyndysy boıynsha mektep esepshisi tergeý satysynda 10 mıllıon teńgeden astam shyǵyndy ótegen.
