Jambyl aýdanynyń Aqterek aýylynda búginge deıin baspanaǵa muqtaj 130 otbasyǵa úı salyp bergen kásipker taǵy da 10 januıany baspanaly etti, dep habarlaıdy "Adyrna" tilshisi.
«Aqterek» sharýa qojalyǵynyń dırektory Temirlan Sháınúsipov qurylysy aıaqtalyp qalǵan úılerdiń úsheýiniń kiltin táýelsizdiktiń 30 jyldyǵyna oraı, arnaıy tabys etti.
Jańa úıdi kásipker jaǵdaıy tómen jáne kóp balaly otbasylarǵa arnap salǵan. Qonys toıyn toılap otyrǵan Moldashevtar otbasynyń aıtýynsha, úı zaman talabyna saı salynǵan.
« 5 bólmeli úı zaman talabyna saı, ystyq sý, sýyq sý kirgizilgen. Ájethanasy da úıdiń ishinde. Eki balammen tar úıinde áke-sheshemen turyp júr edik. Jas otbasy dep jańa baspana syılap otyrǵan qaıyrymdy janǵa alǵysymyz sheksiz» , - deıdi Ashat Moldashev.
12 jyldan beri óz aýyldastaryna úı salyp, týǵan jeriniń kórkeıýine úlesin qosyp jirgen ol osy jylyda 50 oryndyq «Darııa» balabaqshasyn salyp, 15 adamdy turaqty jumyspen qamtyǵan.
"Adyrna" ulttyq portaly
