Talǧarda jedel järdem kölıgı jol apatyna ūşyrady, dep habarlaidy “Adyrna” ūlttyq portaly.
Oqiǧa 6 qyrküiek künı taŋerteŋ bolǧan.
Aldyn ala mälımetke säikes, şaqyruǧa bara jatqan arnaiy kölık Lexus RX 300 avtokölıgımen soqtyǧysyp, audarylyp qalǧan.
“Jol-kölık oqiǧasy saldarynan jedel järdem jürgızuşısı jeŋıl jaraqat aldy. Sondai-aq medisinalyq qyzmetker men ekınşı kölıktıŋ jürgızuşısı tekserılu üşın Talǧar ortalyq audandyq auruhanasyna jetkızıldı”, — delıngen resmi habarlamada.
Almaty oblystyq polisiia departamentınıŋ deregınşe, aldyn ala boljam boiynşa arnaiy kölık jürgızuşısı baǧdarşamnyŋ qyzyl jaryǧyna ötıp ketken. Atalǧan faktı boiynşa äkımşılık ıs qozǧalyp, tergeu jürgızılıp jatyr.
Ūqsas jaŋalyqtar
