Jambyl oblysynyŋ Tūrar Rysqūlov audanynda jol-kölık oqiǧasy bolyp, er adam auyr jaraqatpen auruhanaǧa jetkızıldı. Äleumettık jelıde apatqa būrynǧy deputat Baqytjan Bazarbektıŋ qatysy boluy mümkın degen aqparat tarauda, dep habarlaidy “Adyrna” ūlttyq portaly Jas Alaş basylymyna sıltep.
Alaida polisiia jürgızuşınıŋ aty-jönın tolyq jariialamady.
Polisiianyŋ mälımetınşe, jol apaty 15 tamyz künı keşkı uaqytta bolǧan. Aldyn ala aqparat boiynşa, Toyota RAV4 kölıgınıŋ jürgızuşısı joldyŋ jürıs bölıgınde tūrǧan er adamdy qaǧyp ketken.
Oqiǧaǧa deiın atalǧan kölık jolda siyrmen soqtyǧysqan. Keiın bırneşe adam tasjolǧa şyǧyp, maldyŋ öleksesın joldan alyp tastauǧa äreket jasaǧan. Sol kezde olardyŋ bırın kölık qaǧyp ketken.
Zardap şekken er adam audandyq auruhananyŋ jansaqtau bölımıne jetkızılgen. Därıgerler onyŋ jabyq bas-mi jaraqatyn, miynyŋ soǧyluyn, jabyq pnevmotoraksty, bılegınıŋ jabyq synuyn jäne jılınşıgınıŋ aşyq synuyn anyqtaǧan. Auruhanaǧa tüsken kezde ol bırınşı därejelı travmatikalyq şok jaǧdaiynda bolǧan. Qazırgı uaqytta nauqastyŋ jaǧdaiy auyr.
Jol apatyna bailanysty qylmystyq ıs qozǧalyp, tergeu amaldary jürgızılıp jatyr.
Aita keteiık, äleumettık jelılerde jol apatyna būrynǧy deputat Baqytjan Bazarbektıŋ qatysy boluy mümkın degen aqparat taraǧan. Alaida polisiia jürgızuşınıŋ aty-jönın tolyq jariialaǧan joq. Vedomstvo taratqan resmi mälımette Toyota kölıgın «B. esımdı azamat» basqarǧany ǧana körsetılgen.
Qazırgı taŋda polisiia eks-deputat Baqytjan Bazarbektıŋ būl jol apatyna qatysy bar ekenın resmi türde rastaǧan joq. Oqiǧanyŋ barlyq män-jaiy tergeu barysynda anyqtalady.
