جامبىل وبلىسىنىڭ تۇرار رىسقۇلوۆ اۋدانىندا جول-كولىك وقيعاسى بولىپ، ەر ادام اۋىر جاراقاتپەن اۋرۋحاناعا جەتكىزىلدى. الەۋمەتتىك جەلىدە اپاتقا بۇرىنعى دەپۋتات باقىتجان بازاربەكتىڭ قاتىسى بولۋى مۇمكىن دەگەن اقپارات تاراۋدا، دەپ حابارلايدى “ادىرنا” ۇلتتىق پورتالى جاس الاش باسىلىمىنا سىلتەپ.
الايدا پوليتسيا جۇرگىزۋشىنىڭ اتى-ءجونىن تولىق جاريالامادى.
پوليتسيانىڭ مالىمەتىنشە، جول اپاتى 15 تامىز كۇنى كەشكى ۋاقىتتا بولعان. الدىن الا اقپارات بويىنشا، Toyota RAV4 كولىگىنىڭ جۇرگىزۋشىسى جولدىڭ ءجۇرىس بولىگىندە تۇرعان ەر ادامدى قاعىپ كەتكەن.
وقيعاعا دەيىن اتالعان كولىك جولدا سيىرمەن سوقتىعىسقان. كەيىن بىرنەشە ادام تاسجولعا شىعىپ، مالدىڭ ولەكسەسىن جولدان الىپ تاستاۋعا ارەكەت جاساعان. سول كەزدە ولاردىڭ ءبىرىن كولىك قاعىپ كەتكەن.
زارداپ شەككەن ەر ادام اۋداندىق اۋرۋحانانىڭ جانساقتاۋ بولىمىنە جەتكىزىلگەن. دارىگەرلەر ونىڭ جابىق باس-مي جاراقاتىن، ميىنىڭ سوعىلۋىن، جابىق پنەۆموتوراكستى، بىلەگىنىڭ جابىق سىنۋىن جانە جىلىنشىگىنىڭ اشىق سىنۋىن انىقتاعان. اۋرۋحاناعا تۇسكەن كەزدە ول ءبىرىنشى دارەجەلى تراۆماتيكالىق شوك جاعدايىندا بولعان. قازىرگى ۋاقىتتا ناۋقاستىڭ جاعدايى اۋىر.
جول اپاتىنا بايلانىستى قىلمىستىق ءىس قوزعالىپ، تەرگەۋ امالدارى جۇرگىزىلىپ جاتىر.
ايتا كەتەيىك، الەۋمەتتىك جەلىلەردە جول اپاتىنا بۇرىنعى دەپۋتات باقىتجان بازاربەكتىڭ قاتىسى بولۋى مۇمكىن دەگەن اقپارات تاراعان. الايدا پوليتسيا جۇرگىزۋشىنىڭ اتى-ءجونىن تولىق جاريالاعان جوق. ۆەدومستۆو تاراتقان رەسمي مالىمەتتە Toyota كولىگىن «ب. ەسىمدى ازامات» باسقارعانى عانا كورسەتىلگەن.
قازىرگى تاڭدا پوليتسيا ەكس-دەپۋتات باقىتجان بازاربەكتىڭ بۇل جول اپاتىنا قاتىسى بار ەكەنىن رەسمي تۇردە راستاعان جوق. وقيعانىڭ بارلىق ءمان-جايى تەرگەۋ بارىسىندا انىقتالادى.
