Qazaqstan Reseimen şekarada qalyptasqan qiyn jaǧdai men jaŋa köşı-qon erejelerıne bailanysty Euraziialyq ekonomikalyq komissiiaǧa (EEK) resmi türde şaǧym tüsırdı, dep habarlaidy "Adyrna" ūlttyq portaly Ferǧanaǧa sıltep.
Būl turaly 9 qazanda Ükımettıŋ baspasöz qyzmetı habarlady.
Būl jaǧdaidy «syrtqy saudaǧa kedergı keltıretın barer» dep tanytudy közdep otyr. TMD jiyny aiasynda köterılgen mäsele 13 qazanda EEK alaŋynda, al 7 qaraşada ötetın Qazaqstan men Resei arasyndaǧy 26-şy Ükımetaralyq komissiianyŋ otyrysynda talqylanady.
Resei Federasiiasynyŋ jaŋa köşı-qon zaŋnamasyna sai, şetel azamattary elde 90 kün ǧana bolady.
Būryn būl merzım 180 künge sozylǧan.
Būl şekteuler halyqaralyq jük jäne jolauşy tasymaldauşylarǧa da qatysty. Būǧan qosa, Resei men Belarus Odaqtas memleket bolǧandyqtan, olardyŋ aumaqtarynda bolu uaqyty bırdei esepteledı.
Qazaqstanda mūndai şekteu jarty jyl ışınde 90 kün bolyp belgılengenımen, ol halyqaralyq tasymaldauşylarǧa qoldanylmaidy. Ükımet būl normanyŋ halyqaralyq täjıribege sai ekenın atap öttı.
Mäjılıs deputaty Bolatbek Najmetdinūlynyŋ aituynşa, jaŋa erejeler tek halyqaralyq emes, EAEO aumaǧyndaǧy ışkı baǧyttarda jūmys ısteitın jürgızuşılerge de äser etken. Köpşılıgınıŋ Reseide bolu merzımı tausylyp, reiske qaita şyǧu üşın jaŋa jyldy kütuge mäjbür. Al limitten asyp ketkender ūstalyp, elden şyǧu turaly eskertu alǧan.
Ükımettıŋ habarlauynşa, jaǧdaidy odan ärı qiyndatqan Resei tarapy qyrküiekten berı jürgızıp kele jatqan «sūr importqa» qarsy reidterı bolyp otyr. Osyǧan bailanysty kei ötkızu punktterınde jük kölıkterın tekseru uaqyty ūzarǧan.
Qyrküiek aiynan berı Qazaqstan men Resei şekarasynda jük kölıkterınıŋ kezegı ūzyn-sonar.
«Būl şaralar sapasyz, tūtynuşy ömırı men densaulyǧyna qauıptı tauarlardyŋ zaŋsyz ainalymyna tosqauyl qoiuǧa baǧyttalǧan», – delıngen Resei habarlamasynda.
