Fýtboldan Qazaqstan ulttyq quramasy bıylǵy EÝRO irikteý týrnırynyń fınalyna deıin jetti. Aqtyq oıynda Slovenııadan utylyp, maýsymdy aıaqtady. Jeńiske ne jetpedi, oza shabýǵa ne kedergi boldy? Osyǵan jetkizgen jetistik nege jemis bermedi. Sarapshylar oılaryn ıtty.
Keshe, 21 qarasha kúni ulttyq qurama oıynshylary Slovenııadan elge ushyp keldi. Qazaqstan ulttyq quramasy Eýro irikteýinde N tobyna túsip, barlyǵy 10 oıyn ótkizdi. Onyń altaýyn jeńispen aıaqtap, tórteýinde qarsylasqa ese jiberdi. El jadynda 26 naýryz kúni Danııamen bolǵan oıyn tarıhtaǵy úzdik kambek retinde este qaldy. Al 20 qarasha kúni aqtyq oıynda bizdiń jigitter Slovenııamen oıynda 1:2 esebimen ese jiberdi.
«JEŃÝGE DE BOLADY»
Ulttyq qurama oıynshylary Slovenııadan kelgende jankúıerler olardy Astana áýejaıynan qýana qarsy saldy. Dese de fýtbolshylarymyzdyń qalaǵan nátıjelerine jete almaı, saly sýǵa ketkenin baıqadyq. Jankúıerlerge alǵys aıtqan bas bapker Magomed Adıev maýsym úshin oıynshylarǵa jáne jankúıerlerge rızashylyǵyn bildirdi. Aldaǵy ýaqytta “qarsylastan ese qaıtarmaı qoımaıtynyn” da qosa ketti.
“Sizderdiń kóz jastaryńyz ben renishterińiz jaýapsyz qalmaıdy. Biz olardan kek almaı qoımaımyz” dedi ol.
Munymen qosa Lıýblıana stadıonynan tikeleı efırde kommentatorlyq etken Ermuhammed Máýlenniń slovenııalyqtardyń ekinshi golyna degen reakııasy jelide qyzý talqyǵa tústi.
«Ulylyq - qarapaıymdylyqta. Bul uly oıynnyń sonshama ońaı ekenin túsiný qandaı qıyn. Eýropa dep qorqyp júrsek, kózimizge qos kórinipti. Oınaýǵa da, jeńýge de bolady. Aldymen maqsat qoıasyń, sosyn soǵan umtylasyń. Ujym bolyp birigip, jigerge-jiger qosyp alańǵa shyǵasyń! Tipti, namysty janyp jiberýdi úırenesiń. Biraq, munyń da áli jetkiliksiz ekenin sezinesiń. Aıla men tásil kerek. Al sońynda tájirıbıeniń joqtyǵy bilinedi. Ár nárse óz kezegimen keletinine kóz jetkizesiń. Kezegi kelgende tek kejegeń keıin tartpasa boldy. Jeńilip-jeńilip, túbinde bir jelpinesiń. Salqyn Slovenııanyń qaq ortasyndaǵy «Eýrostars» qonaqúıinde otyryp tún tynyshtyǵymen osy sózderdi terip shyqtym. Al elde qazaq fýtbolynyń tańy atyp kele jatty…» - dep jazdy Ermuhamed.
Aıta keteıik, tarıhta 17 ret uıymdastyrylyp otyrǵan EÝRO-2024 oıyndary Germanııada ótedi. Atalǵan sheshim 2018 jyly qabyldandy.
MAGOMEDTIŃ MÚLT KETKEN MINÝTTARY
Kórermen ulttyq qurama bapkeri Magomed Adıevtiń eńbegine túrlishe baǵa berýde. Biri oıynshylar quramyn jasaqtaýda qatelik jasady dese, biri durys sheshim qabyldady dep qos oıly bolýda. Buǵan qatysty jýrnalıst, fýtbol sarapshysy Eset Tóleshtiń pikirin suradyq.
- Magomed Adıev buǵan deıingi matchtarda ekinshi taımǵa quramany jaqsy daıyndaıtyn. Aýysymdary da dál edi. Sonyń arqasynda talaı kambek jasady. Match sońynda qanshama ret jeńis golyn soqtyq. Osy oıynda da bári ekinshi taımda jaqsy bastalǵan. Biraq bul matchta Adıevtiń aýysymdary túsiniksizdeý boldy maǵan. Oıyny júrmeı jatqan Sergeı Malyıdy aýystyrǵan joq. Shabýylǵa birinshi bolyp jas, tájirıbesiz Svırıdovti shyǵardy. Al kóp jankúıer kútken Abat Aıymbetov sońǵy 1,5 mınýtqa ǵana alańǵa shyqty. Oıynnan keıin Adıevtiń ózi bar jaýapkershilikti óz moınyna alǵany sodan dep oılaımyn. Abatty erterek shyǵarý kerek edi, - deıdi ol.
Eset Tóleshtiń pikirin jýrnalıst Ońǵar Qabden de qýattady.
- Adıevtiń múlt ketken tusy qosalqy oıynshylardy erterek almastyrýy kerek edi. Tyń oıynshylardy 60-70 mınýtta alańǵa shyǵara berý kerek edi. Jigitterdiń oıynynan sharshap júrgenderi kórinip turdy. Basty qatesi - fýtbolshylardy tym kesh almastyryp qoıdy. Biraq Adıevti de túsinýge bolady. Menińshe, aýystyratyn adam da bolmaǵan sekildi, - dedi Ońǵar Qabden.
«ULTTYQ QURAMA TARIHYNDAǴY EŃ ÚZDIK MAÝSYM»
Eset Tólesh osy matchqa jetý jolynyń ózi jetistik bolǵanyn aıtady.
- Quramanyń osy irikteýdegi oıynyna 5 upaılyq shkalamen 5 degen baǵa berýge bolady. Sońǵy bir match úshin buǵan deıingi jetistikterdi syzyp tastaýǵa bolmaıdy. Qansha degenmen, irikteýdiń basynda biz úshinshi oryn alamyz desek, bári qýana keliser edi. Emoııa, qýanysh, kambekter — byltyrdan beri barsha qazaqstandyqqa erekshe kóńil-kúı syılady. Ár matchta anshlag, sońǵy mınýtta gol soǵý dástúrin qalyptastyrdy. Sondyqtan dál qazir bizdiń jigitterge tek qoldaý bildirý kerek, - deıdi Eset Tólesh.
Ońǵar Qabden de Qazaqstan quramasy osy maýsymda sózsiz úzdik oıyn kórsetti dep sanaıdy.
- Bul jankúıerlerdiń qoldaýynan-aq bilinip turdy. Buryn adam barmaıtyn ulttyq quramanyń oıyndaryna bılet tabylmaı qaldy. Jigitter baryn saldy jáne búkil halyq olarǵa rıza. Eýropanyń myqty-myqty quramalarymen taıtalasý ońaı dúnıe emes. Fınlıandııa, Danııa syndy quramalardyń óz alańdarynda jeńdik. Keshegi Slovenııanyń ózimen teketiresip baryp, áreń jeńildik. Osy jyly Qazaqstan ulttyq quramasy óz tarıhyndaǵy eń úzdik maýsymyn ótkizdi. Aldaǵy ýaqytta da jaqsy jańalyqtarmen qýantady dep senemiz. Jalpy oıyndaryna 5+ degen baǵa beretin edim. Óıtkeni qazirgi ulttyq quramanyń oıyndaryna sheteldik, eýropalyq skaýttar kelip qatysatyn deńgeıge jettik. Keshegi Nuraly Álip, Ramazan Orazov, Islam Chesnokov, Maksım Samorodovtardy skaýttar baqylap otyrdy. Iaǵnı, osy maýsymdaǵy oıyn eren eńbektiń, keremet aýyzbirshiliktiń nátıjesi boldy. Irikteý týrnıryn 18 upaımen aıaqtady. Basqa toptaǵy komandalar 14-15 upaımen toptan shyǵyp ketip jatty, - dedi Ońǵar Qabden.
“SLOVENIIaǴA JAQTASTY DEP AITA ALMAIMYZ”
Slovenııanyń astanasy Lıýblıana qalasynda ótken oıynda álem chempıonatynyń fınalynda Argentına men Franııa matchynda qyzmet etken Shımon Marchınıak tóreshi boldy. Oıyn barysynda 5 sary qaǵaz kórsetilip, bir penaltı tirkeldi. Qosa keter bolsaq, atalmysh oıynǵa tórelik etýdi Marchınıakqa tapsyrý ÝEFA prezıdenti, slovenııalyq Aleksandr Cheferınniń sheshimi boldy desedi. Cheferın 2016 jyldan beri prezıdenttik qyzmet atqaryp keledi.
Marchınıaktyń Cheferınniń shaqyrtýymen baılanysy bar-joqtyǵyna qatysty jýrnalıst, fýtbol sarapshysy Eset Tólesh osylaısha pikir bildirdi.
- Shımon Marchınıak – tájirıbeli tóreshi. Qansha degenmen, keıingi bir jylda álem chempıonaty men Chempıondar lıgasynyń fınalynda qazylyq etken. Keshe taǵy bir fınalda tórelik etti deýge bolady. Marchınıak slovenııalyq emes, bul jerge Aleksandr Cheferındi qosyp, qandaı da bir qastandyq teorııasyn oılaýdyń keregi joq dep sanaımyn. Marchınıak árbir mını-folǵa ysqyryq shala bergeni bolmasa, Slovenııaǵa jaqtasty dep aıta almaımyz. Bizdiń qaqpaǵa belgilengen penaltı de oryndy, Ian Vorogovskıı oıyn tártibin buzǵany ras. Bul bizdiń quramanyń qateligi, - dedi ol.
Osy jaıtqa qatysty jýrnalıst Ońǵar Qabden de oıyn aıtty:
- Slovenııamen bolǵan oıyn óte mańyzdy matchtardyń biri bolǵandyqtan oǵan Marchınıak sekildi óte bilikti, tájirıbeli tóreshiniń shaqyrtylýy oryndy. Marchınıak eshqandaı qatelik jibergen joq. Óte tamasha qazylyq etti. Penaltıge keletin bolsaq, bul - Ian Vorogovskııdiń taza qateligi. Aýtqa jiberýdiń ornyna doptyń qasynda óbektep, solaqaımen tebemin dep qarsylastyń aıaǵynan tepti, - dedi ol.
Dına LITPIN,
«Adyrna» ulttyq quramasy
