2026 jyldyŋ basynda käsıpkerlerdıŋ türlı qauymdastyqtary bırıgıp, «Atameken» ūlttyq käsıpkerler palatasyna jarna jinauǧa qarsy petisiia jariialauǧa daiyndalyp jatyr, dep habarlaidy "Adyrna" ūlttyq portaly DALA INSIDE-qa sılteme jasap.
Derekközdıŋ aituynşa, biznes ökılderı qazırgı taŋda būl palatadan eşqandai naqty paida körıp otyrǧan joq. Kerısınşe, «Atameken» käsıpkerlerdıŋ damuyna kedergı keltıretın qosymşa tosqauylǧa ainalyp barady.
"Şaǧyn käsıpkerlerdı aitpaǧanda, palata orta jäne ırı biznes ökılderınıŋ de korporativtı jäne qosylǧan qūn salyǧyna qatysty qūqyqtaryn qorǧai almady. Ükımetke öz sözın ötkıze almai otyr. Keide tıptı bizneske ziian keltırıp jatqandai äser qaldyrady. Sondyqtan käsıpkerler «palatanyŋ şyǧynyn biznes emes, Ükımet ötesın» degen pıkırde", – deidı derekköz.
Mamandardyŋ aituynşa, eger kelesı jyly käsıpkerler men «Atameken» arasyndaǧy qaişylyq şielenıse tüsse, 2027 jyly palatany taratu nemese qaita qūru mäselesı kün tärtıbıne şyǧuy mümkın.
Palatanyŋ qazırgı töraǧasy Raiymbek Batalovtyŋ jūmysy da synǧa ūşyrauda. Käsıpkerlerdıŋ aituynşa, Batalovtan ülken ümıt bolǧanymen, ol aqtalmaǧan. Būrynǧy töraǧa Abylai Myrzahmetovpen salystyrǧanda, Batalovtyŋ dauysy qoǧamda estılmei otyr.
"Mūnda mäsele jeke tūlǧada emes. Basqa basşy kelse de, «Atameken» tiımdı bola almaidy. Mäsele ūiymnyŋ qūrylymynda. Ol alǧaş qūrylǧan kezde sol uaqyttyŋ problemalaryn şeşu üşın jasaldy. Qazır zaman özgerdı, al palata sol küiınde qaldy. Nemese ony tübegeilı qaita qūru qajet", – deidı derekköz.
«Atameken» ūlttyq käsıpkerler palatasynyŋ biylǧy biudjetı 12 milliard teŋgeden asady. Onyŋ 10,7 milliardy käsıpkerler töleitın jarnalardan jinalady. Negızgı jarnany palata ırı biznes ökılderınen alady.
Būl qarajattyŋ basym bölıgı jalaqy, keŋse jaldau jäne qyzmet körsetu şyǧyndaryna jūmsalady. Käsıpkerlerdıŋ aituynşa, palata qazır bizneske naqty kömek bermei, «ata-anasy alyp bergen balmūzdaqty jep otyrǧan bala» sekıldı körınedı.
