Qazaqstandyq kolledjder men Qytaidyŋ Zhejiang College of Security Technology oqu orny maŋyzdy strategiialyq kezdesu ötkızdı.
Taldyqorǧan joǧary politehnikalyq kolledjınde jasandy intellekt (AI) zerthanalaryn aşu jäne jaŋa «Jasandy intellekt» mamandyǧyn engızu turaly uaǧdalastyqqa qol jetkızıldı.
Kezdesu barysynda taraptar sifrlyq bılım beru salasyndaǧy yntymaqtastyqty keŋeitu, zamanaui tehnologiialar boiynşa täjıribe almasu jäne bırlesken jobalardy damytu baǧyttaryn talqylady.
«Būl yntymaqtastyqtar aiasynda akademiialyq ūtqyrlyq baǧdarlamalary ıske qosylyp, studentter men oqytuşylardyŋ täjıribeden ötuı men almasu mümkındıkterı keŋeitıledı. Sonymen qatar bırlesken bılım beru jäne ǧylymi jobalardy jüzege asyru josparlanuda», - deidı QR Oqu-aǧartu ministrlıgınıŋ Tehnikalyq jäne käsıptık bılım departamentı basşysynyŋ orynbasary Aqzira Qasymova.
Oqytuşylardyŋ bılıktılıgın arttyruǧa, jasandy intellekt salasyndaǧy qūzyretterdı damytuǧa jäne halyqaralyq bılım beru standarttaryn engızuge erekşe köŋıl bölınedı. Būl ärıptestık Qazaqstan men Qytai arasyndaǧy bılım beru bailanystaryn nyǧaityp, ekı eldıŋ studentterı üşın jaŋa käsıbi jäne oqu mümkındıkterın aşady.
