Jelıde ata-analar Almaty qalasyndaǧy №117 mekteptıŋ oquşylary küzgı salqynda fleşmob üşın dalada ūzaq uaqyt tūrǧanyn synǧa aldy, dep habarlaidy "Adyrna" ūlttyq portaly Democrat.kz saityna sılteme jasap.
Aitularynşa, ūstazdar özderı kürte kiıp jürgen kezde, jeŋıl kiımdegı balalar bloger men operator kelgenşe syrtta kütuge mäjbür bolǧan.
Jelı qoldanuşysynyŋ jazuynşa, oquşylar video tüsıruge saǧat 13:00-de daiyn boluy kerek bolǧan, bıraq bloger men mobilograftyŋ keluın 13:50-ge deiın küttı. Osy uaqytta aua temperaturasy +14°C bolyp, balalar tek aq jeide kiıp tūrǧan. Ata-analar būl ärekettı balalardy qorlau dep baǧalady.
Keibır ata-analar äleumettık jelılerde mekteptıŋ paraqşa jürgızıp, balalardyŋ fotosy men videosyn jariialap jatqanyn synady.
“Balalardy jeŋıl kiımmen jelde tūrǧyzu dūrys pa? Direktordy jazalau kerek", "Balalardy ata-ana rūqsatynsyz nege tüsıredı?" dep türlı pıkır jazylǧan.
Al №117 mektep äkımşılıgı öz jauabynda ıs-şaranyŋ Respublika künıne orai ūiymdastyrylǧanyn, fleşmobty tüsıru 15 minuttan aspaǧanyn, al aua temperaturasy +16 °C bolǧanyn habarlady. Mektep būl ärekettı sanitarlyq talaptarǧa sai dep sanaidy jäne aldaǧy uaqytta ata-analardyŋ eskertulerın eskeretının aitty.
Deputat Ashat Aimaǧambetov mäjılıs kuluarynda mūǧalımderdı mäjbürlep video tüsıruge qarsy ekenın atap öttı. Onyŋ aituynşa, ärbır oquşy men mūǧalımnıŋ rūqsatynsyz olardyŋ beinesın internetke jariialau zaŋsyz:
“Būl – bala beinesıne degen qūqyq. Rūqsatsyz tüsıruge bolmaidy. Qazır jasandy intellekt, dipfeik zamany. Derekter öte qūndy. Sondyqtan qauıp bar", - dedı deputat Aimaǧambetov.
Deputat ata-analarǧa balalaryn mektepte fotoǧa tüsıruge rūqsat bermeudı ūsynyp, mūndai jaǧdaiǧa nazar audaruǧa şaqyrdy.
