Şymkenttegı infeksiialyq auruhananyŋ dälızınde emdeluşıler, onyŋ ışınde balaly äieldıŋ jatqany jaily video äleumettık jelıde rezonans tudyrdy. Äkımdık mekemedegı kürdelı jöndeu jūmystaryna bailanysty uaqytşa qiyndyq tuyndaǧanyn mälımdedı, dep habarlaidy “Adyrna”.
Otyrar basylymynyŋ aqparatynşa, auruhananyŋ on bölımşesınıŋ segızı täulık boiy jūmys ıstep, qauıptı jūqpaly aurulardy jūqtyrǧan nauqastardy qabyldap jatyr.
Äkımşılıktıŋ mälımetınşe palatalar 2-4 tösekke eseptelgen jäne bölek juynatyn bölmelermen, jeldetu jüielerımen jabdyqtalǧan. Pasientter jappai tüsken jaǧdaida sanitarlyq erejelerge säikes dälızderge uaqytşa ornalastyruǧa rūqsat etıledı jäne Densaulyq saqtau ministrlıgınıŋ būiryqtarymen retteledı.
Tekseru barysynda sanitarlyq talaptar men medisinalyq etika normalarynyŋ būzyluy anyqtalǧan joq. Nauqastar ünemı baqylauda, al sauyǧyp ketkender ambulatorlyq emge auystyrylyp jatyr.
Äkımdık epidemiologiialyq jaǧdaidyŋ baqylauda ekenın, medisina qyzmetkerlerınıŋ barlyq ıs-äreketı belgılengen standarttarǧa sai ekenın atap öttı.
