Qazaqstannyŋ eŋbek sıŋırgen öner qairatkerı, «Parasat» jäne «Otan» ordenderınıŋ iegerı, Qazaqstan Kompozitorlar odaǧynyŋ müşesı, professor Iýrii Aravin ömırden öttı, jep habarlaidy "Adyrna" ūlttyq portaly.
Būl turaly Aida Balaeva äleumettık jelı paraqşasynda bölıstı.
Iýrii Petrovich qazaq halyq muzykasynyŋ eŋ tanymal nasihattauşylarynyŋ bırı boldy. Ol köptegen folklorlyq ekspedisiialardy ūiymdastyryp, köne muzykalyq tuyndylardy jaŋǧyrtuǧa ülken eŋbek sıŋırdı.
1970-jyldary Iýrii Aravin qazaq muzykasyna, halyq kompozitorlary men aqyndaryna arnalǧan tele jäne radiobaǧdarlamalar seriiasyn jürgızıp, ūlttyq önerdıŋ bai älemın köpşılıkke paş ettı.
Iýrii Aravin 1941 jyly Tver qalasynda düniege kelgen. Ol 1968 jyly Novosibirsk konservatoriiasynyŋ tarihi-teoriialyq fakultetın, al 1972 jyly Almatydaǧy Qūrmanǧazy atyndaǧy memlekettık konservatoriianyŋ aspiranturasyn bıtırgen.
1973–1978 jyldary ol Qazaq memlekettık qyzdar pedagogikalyq institutynda, al 1979–1988 jyldary Qūrmanǧazy atyndaǧy Almaty memlekettık konservatoriiasynda muzykalyq-tarihi jäne teoriialyq pänderden därıs bergen.
Iýrii Aravin Biyl 2 säuırde 84 jasqa tolǧan edı.
Marqūmnyŋ tuǧan-tuystaryna, jaqyndaryna, dostary men ärıptesterıne köŋıl aitamyz.
