Qazaqstan Respublikasy Mädeniet jäne aqparat ministrlıgı qoǧam men memleket arasyndaǧy özara senımdı nyǧaityp, şynaiy qoǧamdyq dialog ornatuǧa baǧyttalǧan keşendı jäne jüielı strategiiany ıske asyruda.
Memleket basşysy XII Azamattyq forum qatysuşylaryna joldaǧan ündeuınde azamattyq qoǧamdy damytuǧa memlekettıŋ airyqşa män beretının atap öttı.
«Memleket pen azamattardyŋ qarym-qatynasyna arqau bolǧan «Halyq ünıne qūlaq asatyn memleket» tūjyrymdamasy berık ornyǧa tüstı. Özara syilastyq pen tüsınıstık, janaşyrlyq pen jauapkerşılık qasietterı keŋınen därıptelıp, qoǧamnyŋ qūqyqtyq mädenietın arttyru üşın naqtyşaralar atqaryldy», – dedı Qasym-Jomart Toqaev.
Prezident belsendı azamattyq qoǧam qalyptastyru üşın ükımettık emes ūiymdardyŋ bedelın arttyru maŋyzdy ekenın bırneşe ret atap ötken bolatyn.
Osy maqsatta 2021-2024 jyldar aralyǧynda QR Mädeniet jäne aqparat ministrlıgınıŋ bastamasymen qūqyqtyq keŋıstıktı sapalyq tūrǧydan jaŋǧyrtu üderısı bastaldy. Būl baǧytta bırqatar negızgı zaŋnamalyq aktıler qabyldandy. Atap aitqanda, «Qoǧamdyq baqylau turaly» Zaŋ, sondai-aq «Memlekettık äleumettık tapsyrys, ükımettık emes ūiymdarǧa arnalǧan granttar jäne syilyqaqylar turaly» Zaŋǧa tüzetuler paketı qabyldandy. Sonymen qatar «Volonterlık qyzmet turaly», «Qaiyrymdylyq turaly», «Qoǧamdyq bırlestıkter turaly», «Mediasiia turaly» jäne «Qoǧamdyq keŋester turaly» zaŋdarǧa tolyqtyrular engızıldı.
Atalǧan zaŋdardy tiımdı ıske asyru maqsatynda 14 normativtık qūqyqtyq aktıge özgerıster engızıldı.
Qoǧamdyq keŋesterdıŋ rölı aitarlyqtai küşeidı. Soŋǧy üş jylda azamattyq qoǧam ökılderınıŋ ülesı 23%-ǧa ösıp, 264 qoǧamdyq keŋestıŋ qūramyndaǧy olardyŋ qatysu deŋgeiı 86%-ǧa jettı. Jastardyŋ ülesı de 5%-ǧa artyp, 15%-dy qūrady.
Alǧaş ret kvazimemlekettık sektorda azamattarmen tıkelei kerı bailanys ornatuǧa mümkındık beretın 13 jaŋa qoǧamdyq keŋes qūrylyp, öz jūmysyn bastady.
Grant saiasaty men memlekettık äleumettık tapsyrys jüiesı reformalandy. Jobalardy ırıkteudıŋ köp deŋgeilı mehanizmı engızılıp, saraptama men esep beru räsımderı jetıldırıldı.
Atalǧan özgerıster äleumettık jobalardy qarjylandyru kölemın ekı ese arttyruǧa, memlekettık äleumettık tapsyrystyŋ qamtu aiasyn 21 baǧytqa deiın keŋeituge jäne jüzege asyrylatyn jobalar sanyn 22%-ǧa köbeituge mümkındık berdı.
Soŋǧy bes jyl ışınde jalpy somasy 10,3 mlrd teŋgenı qūraityn 556 grant jüzege asyryldy. 2025 jyly jalpy qūny 1,8 mlrd teŋge bolatyn 104 grant ıske asyryluda. ÜEŪ-ǧa arnalǧan syilyqaqy konkursy rekordtyq nätijege qol jetkızıp, ötınışterdıŋ sany 135-ten 208-ge deiın artty. Al, jeŋımpaz ūiymdar sany 73-ke jettı. Olardyŋ qatarynda auyldyq aimaqtardaǧy bastamalar men inkliuzivtı jobalar da bar. Osy kezeŋde barlyǧy 336 ükımettık emes ūiym Memlekettık syilyqaqymen marapattaldy.
Būl nätijeler memleket pen azamattyq sektor arasyndaǧy serıktestıktıŋ jaŋa, jetılgen kezeŋıne jol aşty.
Azamattyq qoǧamdy damytudyŋ basym baǧyttarynyŋ bırı retınde volonterlık qozǧalysty qoldau jäne nyǧaitujūmystary belsendı jürgızılude. 2021-2023 jäne 2024-2026 jyldarǧa arnalǧan ekı Jol kartasy qabyldanyp, olar tört strategiialyq baǧytpen 85 naqty ıs-şarany qamtydy.
Respublikalyq front-ofis pen myŋdaǧan belsendı jasty bırıktırgen 20 öŋırlık volonterlık ortalyq qūryldy. Osy uaqyt ışınde 275 volonterlık joba men 1 200-den astam volonterlık bastama jüzege asyryldy.
Qazaqstan volonterlık qyzmet salasynda halyqaralyq ūiymdarmen tyǧyz yntymaqtastyq ornatyp keledı. Soŋǧy jyldary elımızden 21 volonter BŪŪ qūrylymdary aiasynda İordaniia, Keniia, Tailand jäne Türkiia elderınde qyzmet atqardy. 2025 jyly olardyŋ jeteuı öz qyzmetın jalǧastyruda. Sonymen qatar, biyl «İgı ıster marafony» aiasynda el boiynşa 27 myŋnan astam igı ıs atqaryldy.
