Qyrǧyzstan bilıgı ūlttyq tūraqty sifrlyq moneta KGST jobasyn ıske qosatynyn jäne sifrlyq somdy memlekettık tölemder jüiesıne engızetının mälımdedı, dep habarlaidy "Adyrna" ūlttyq portaly CoinDesk saityna sılteme jasap.
KGST – qyrǧyz somyna teŋ baǧamda bekıtılgen sifrlyq aqşa. Iаǧni onyŋ qūny 1 somǧa teŋ jäne ūlttyq valiutamen tolyq qamtamasyz etıledı. Joba eldıŋ Sifrlyq aktivter memlekettık tızımıne engızılgen.
Būl moneta USDKG jobasynan erekşelenedı.
USDKG – AQŞ dollaryna bailanǧan tūraqty sifrlyq aqşa, ol Qyrǧyzstannyŋ Qarjy ministrlıgı saqtaityn 500 million dollarlyq altyn qorymen qamtamasyz etılmek. Būl joba 2025 jyldyŋ üşınşı toqsanynda ıske qosylady.
Sonymen qatar, Qyrǧyzstannyŋ sifrlyq somy, iaǧni Ortalyq bank şyǧaratyn elektrondy aqşa, resmi türde zaŋ jüzınde moiyndaldy. Aldaǧy uaqytta ol memlekettık tölemderde synaq retınde qoldanyla bastaidy.
Būl bastama prezident Sadyr Japarovtyŋ biylǧy säuır aiynda engızgen zaŋnamalyq özgerısterınen keiın jüzege asyp otyr. Özgerısterge sai, ūlttyq bank sifrlyq aqşany tolyq ıske qosqannan keiın, ol resmi tölem qūraly märtebesın alady.
