Qazaqstan europalyq elder üşın energetikalyq yntymaqtastyq salasynda Reseige balama bola alady. Būl turaly Finliandiia prezidentı Aleksandr Stubb «QazAqparat» agenttıgıne bergen sūhbatynda aitty, dep habarlaidy «Adyrna» tılşısı.
«Europa bırtındep Reseidıŋ sūiytylǧan gazy ben mūnaiynan bas tartyp jatyr. 80 paiyzdan astam qysqaru balama energiia közderıne sūranysty arttyrady. Osy tūrǧyda Qazaqstan maŋyzdy röl atqarady», — dedı Stubb.
Ol sondai-aq Europalyq odaqtyŋ Qazaqstannyŋ eŋ ırı sauda serıktesı ekenın eske saldy.
Finliandiia prezidentı Astanadaǧy kelıssözder barysynda Qasym-Jomart Toqaevtyŋ Resei men Qytaiǧa qatysty pıkırın joǧary baǧalaitynyn atap öttı.
«Finliandiia men Qazaqstan siiaqty şaǧyn jäne orta derjavalardyŋ öz qūndylyqtary men müddelerı bar, bıraq olardyŋ yqpal etu mümkındıkterı şekteulı. Degenmen bız deldaldyq röl atqaryp, pıkır almasuǧa, habar jetkızuge üles qosa alamyz. Mysaly, prezident Toqaev aldaǧy aptada Aq üige, odan keiın Kremlge barady. Būl – ärı prezident Tramptan, ärı prezident Putinnen özektı aqparat alyp, ony basqa taraptarǧa jetkızuge jaqsy mümkındık. Men Finliandiia da, Qazaqstan da halyqaralyq qatynastarda maŋyzdy rölge ie dep esepteimın», — dedı Aleksandr Stubb.
Aita keteiık, Finliandiia prezidentı Aleksandr Stubb 28–29 qazanda Qasym-Jomart Toqaevtyŋ şaqyruymen Astanaǧa resmi saparmen kelgen edı. Kezdesu barysynda beibıt maqsatta iadrolyq energiiany paidalanu jäne özge de salalarda yntymaqtastyq jönınde 15 qūjatqa qol qoiyldy.
