Reseı bıligi «Astrahan — qazaqtyń jeri» dep málimdeme jasaǵan er adamnyń ústinen qylmystyq is qozǵady, dep habarlaıdy «Adyrna» tilshisi.
Ol Qazaqstan halqyn jarııa túrde terrorızmge shaqyryp, Reseı aýmaǵynda lańkestik áreketter jasaýǵa úndeý tastaǵany úshin kúdiktelip otyr.
«Astrahan oblysynyń turǵyny Sergeı T.-ǵa Reseı Qylmystyq kodeksiniń 205.2-baby 2-bóligi (terrorızmdi nasıhattaý) boıynsha qylmystyq is qozǵaldy»,—delingen habarlamada.
Buǵan deıin er adam áleýmettik jeli arqyly qazaqstandyqtarǵa beıneúndeý joldaǵan edi.
«Astrahan – ejelgi qazaq jeri. Osy múmkindikti paıdalanyp, ony Pýtınniń fashıstik bıliginen azat etińiz»,—dedi ol.
