Jaqynda Türkıstan oblysynda er adam özınıŋ qart äkesın ūryp öltırgenı turaly aqparat qyzu talqyǧa tüstı. Bügın küdıktınıŋ äielıne qatysty da qylmystyq ıs qozǧalǧany belgılı boldy. Būl turaly oblystyq polisiia departamentı mälımdedı, dep habarlaidy “Adyrna”.
Būǧan deiın äleumettık jelıde er adam qart adamdy ūryp-soǧyp jatqan beinejazba taraǧan bolatyn. Videoda qariianyŋ betı qanǧa boialǧany anyq körınedı. Aqsaqal ornynan tūra almaǧan soŋ, balasy äielın şaqyryp alyp, ekeuı aqsaqaldy süirep alyp ketedı.
Keiın qariiany balasy ūryp-soqqany anyqtaldy. Al äielı ony toqtatpaǧan. Beinejazbany körşısı jasyryn tüsırıp alǧan.
Polisiia departamentınen habarlaǧandai, äkesınıŋ ölımınen keiın ūlyna qatysty QK-nıŋ 106-baby 3-bölıgınıŋ "Zardap şeguşınıŋ ölımıne äkep soqqan densaulyqqa qasaqana auyr ziian keltıru" boiynşa qylmystyq ıs qozǧaldy. Küdıktı ūstalyp, uaqytşa ūstau izoliatoryna qamaldy.
Sondai-aq ūlynyŋ äielıne qatysty tergeu jürgızılude. Qylmystyq ıs QK-nıŋ 3-baby 2-bölıgınıŋ 109-1-tarmaǧy boiynşa "Kınälıge körıneu därmensız küide ne kınälıge materialdyq nemese özge de täueldılıkte bolǧan adamdy ūryp-soǧu" boiynşa qozǧaldy.
"Sotqa deiıngı tergeu barysynda oqiǧanyŋ barlyq män-jailaryn anyqtauǧa baǧyttalǧan barlyq qajettı tergeu äreketterı jürgızıletın bolady. Olardyŋ nätijelerı boiynşa tiıstı ıs jürgızu şeşımı qabyldanatyn bolady. Sonymen bırge tergeu barysynda ötınışte baiandalǧan barlyq dälelder tekserıledı jäne ol aiaqtalǧannan keiın qylmystyq prosestıŋ barlyq qatysuşylarynyŋ ıs-äreketterıne qūqyqtyq baǧa berıledı ", – dep habarlady Türkıstan oblysy PD.
Polisiia habarlaǧandai, jaqyndary tarapynan ūryp-soǧu zeinetkerdıŋ ölımıne äkelıp soqtyrǧanşa jäbırlenuşıden nemese basqa adamdardan organdarǧa zorlyq-zombylyq faktılerı boiynşa aryz tüspegen.
