Türkıstan oblysynda öndırıs pen farmasevtika salasyn damytuǧa baǧyttalǧan ırı investisiialyq joba qolǧa alyndy. Sauran audanyndaǧy «Turan» arnaiy ekonomikalyq aimaǧyna qarasty «Oraŋǧai» qosalqy ekonomikalyq aimaǧynda «Orzax Central Asia» JŞS-nıŋ biologiialyq belsendı qospalar öndıretın zamanaui zauytynyŋ uaqyt kapsulasy salyndy.
Jiynda söz söilegen Türkıstan oblysynyŋ äkımı Nūralhan Köşerov Memleket basşysy Qasym-Jomart Toqaevtyŋ ekonomikany ärtaraptandyru jäne importty almastyratyn öndırısterdı damytu jönındegı tapsyrmalaryn jüzege asyru baǧytynda öŋırde jüielı jūmystar atqarylyp jatqanyn atap öttı.
– Memleket basşysy Qasym-Jomart Kemelūly el ekonomikasyn ärtaraptandyryp, import almastyruşy öndırıstı damytudy tapsyrdy. Osyǧan orai bız ekonomikanyŋ şikızattyq modelınen bet būryp, importty almastyruǧa baǧyttalǧan naqty jobalardy kezeŋ-kezeŋımen jüzege asyrudamyz. Naqty mysalmen atap ötsem, oblysta maqta-toqyma, et, jügerı jäne jihaz klasterlerı damyp, jaŋa öndırıs oryndary aşyldy. Jalpy importty almastyruǧa baǧyttalǧan keşendı jūmystardyŋ nätijesınde 176 mlrd teŋgenı qūraityn 31 joba ıske qosyldy. Biyl 280 mlrd teŋgege 39 joba jüzege asyryluda. Qosymşa naryqty zerttei otyryp, Türkıstan oblysynda farmasevtikalyq önımderdı tūtynu naryǧynyŋ 100 mlrd teŋgege juyǧy importqa täueldı ekenın anyqtadyq. Memleket basşysynyŋ Türkiia Respublikasyna jasaǧan resmi sapary barysynda qol jetkızılgen kelısımderdıŋ nätijesınde bügın osy zamanaui öndırıstıŋ ırgetasy qalanyp otyr. Būl elımızdıŋ importqa täueldılıgın azaituǧa, öŋır ekonomikasyn nyǧaituǧa jäne halyqtyŋ densaulyǧyna qajettı önımderdı özımızde öndıruge baǧyttalǧan maŋyzdy qadam. Densaulyqqa qajettı önımderdı öz elımızde öndıru – ūlttyq qauıpsızdıktıŋ maŋyzdy kepılı. Joba tolyq ıske qosylǧanda 500-ge juyq jergılıktı tūrǧyn tūraqty jūmyspen qamtylady. «Orzax Central Asia» kompaniiasy jüzege asyratyn būl joba öŋırdıŋ ekonomikalyq äleuetın arttyryp qana qoimai, otandyq farmasevtika salasyn jaŋa deŋgeige köteredı dep senemın. Kompaniia basşysy Alimoglu Selman myrzaǧa jäne onyŋ komandasyna sättılık tıleimın. Barşaŋyzdy osy maŋyzdy bastamamen şyn jürekten qūttyqtaimyn, – dedı Nūralhan Köşerov.
«Orzax Central Asia» JŞS qūryltaişysy Alimoglu Selman Qazaqstanda, onyŋ ışınde Türkıstan oblysynda investisiialyq jobany jüzege asyruǧa qoldau körsetken, Qazaqstan ükımetıne, öŋır basşylyǧyna rizaşylyǧyn bıldırıp, zauyt qūrylysy belgılengen merzımde aiaqtalatynyn jetkızdı. Türkıstannyŋ tarihi maŋyzyna toqtalyp, būl joba öŋırdıŋ eksporttyq äleuetın köteretının aitty. Saltanatty räsımde zauyttyŋ kapsulasy salyndy.
«Orzax Central Asia» kompaniiasynyŋ jobasy Sauran audanyndaǧy «Turan» arnaiy ekonomikalyq aimaǧynda jüzege asyrylady. Käsıporynǧa 10 gektar jer telımı bölıngen. Jobanyŋ jalpy investisiialyq qūny 20,4 mlrd teŋgenı qūraidy. Qūrylys jūmystary 2026-2027 jyldary jürgızıledı. Zauyt tolyq ıske qosylǧannan keiın jylyna 464 mln dana biologiialyq belsendı qospa öndırıp, 500 adamdy tūraqty jūmyspen qamtamasyz etedı.
Aita keteiık, «Orzax Central Asia» JŞS-nıŋ qūryltaişysy – Türkiiadaǧy biologiialyq belsendı qospalar öndırısı boiynşa jetekşı kompaniialardyŋ bırı sanalatyn «Orzaks Pharmaceuticals and Chemical Industry Inc» korporasiiasy. Korporasiia bügınde älemnıŋ 50-den astam elıne 150-den astam önım türın eksporttaidy.
