Türkıstan oblysy, Kentau qalasynyŋ industriialyq aimaǧynda jaŋa zauyt jūmysyn bastady. Öndırıs ornynyŋ aşylu saltanatyna Türkıstan oblysynyŋ äkımı Nūralhan Köşerov qatysyp, köpşılıktı qūttyqtady.
– Respublika künı – elımızdıŋ egemendıgın aişyqtap, täuelsızdıgımızdı nyǧaitatyn maŋyzdy mereke. Osy mereilı mereke qarsaŋynda önerkäsıptık metall qūrylymdary men metall būiymdaryn öndıretın jaŋa käsıporynnyŋ aşyluyna kuä bolyp otyrmyz. Būl – Türkıstan oblysynyŋ önerkäsıptık äleuetın arttyryp, öŋır ekonomikasyna tyŋ serpın beretın maŋyzdy joba. Memleket basşysy Qasym-Jomart Kemelūly Toqaev aimaqtarda otandyq öndırıstı örkendetuge, investisiialyq jobalardy jüzege asyruǧa jäne tūraqty jūmys oryndaryn qūruǧa airyqşa män berıp keledı. Osy baǧyttaǧy jūmystar öŋırımızde jüielı türde jalǧasady, – dedı oblys äkımı Nūralhan Köşerov.
«AidarStroiGrupp» JŞS-nıŋ zauytyna 1,5 mlrd teŋge investisiia tartylǧan. Mūnda 30 jaŋa jūmys orny qūryldy. Käsıporyn önerkäsıpke arnalǧan metall qūrylymdary men metall būiymdaryn öndıruge mamandanǧan. Öndırıs orny jylyna 100 dana önım şyǧaruǧa qauqarly. Jobany jüzege asyru üşın Kentau qalasynyŋ industriialyq aimaǧynan «Türkıstan» äleumettık-käsıpkerlık korporasiiasy arqyly 1,5 gektar jer uchaskesı berılgen. Qazırgı taŋda qūrylys-montaj jūmystary tolyq aiaqtalyp, negızgı tehnologiialyq jabdyqtar ornatylǧan.
Käsıporyndy qajettı infraqūrylymmen qamtamasyz etu baǧytynda da jūmystar jürgızılgen. Öndırıs ornyna elektr jelısı tartylyp, transformator ornatylǧan. Sonymen qatar tabiǧi gazǧa qosyluǧa qajettı jūmystar atqarylǧan.
Saltanatty räsımde oblys äkımı käsıporynnyŋ jūmysymen tanysyp, öndırıstık üderıstı kördı. Jaŋa zauyttyŋ ıske qosyluy Kentau qalasynyŋ önerkäsıptık äleuetın nyǧaityp, öŋırde otandyq öndırıstı damytuǧa jäne halyqty tūraqty jūmyspen qamtuǧa üles qosady.
Oblys äkımı jūmys saparynda Kentaudaǧy industrialdy aimaqty aralap, jauaptylarǧa öndırıs oryndaryn aşu jūmysyn küşeitudı tapsyrdy. Öŋırde öndırıs oryndaryn aşu jūmysy jalǧasady.
