Atyrauda Avtojol qyzmetkerlerı künı atalyp öttı. Käsıbi merekege orai ūiymdastyrylǧan ıs-şarada oblys äkımınıŋ orynbasary Qairat Nūrtaev sala ardagerlerı men mamandaryna türlı marapattar tabystady, dep habarlaidy Öŋırlık kommunikasiialar qyzmetı.
«Eŋbek ardagerı» medalımen tört, «Qūrmettı jolşy» tösbelgısımen bes, «Qūrmettı jürgızuşı» tösbelgısımen tört, «Üzdık avtokölıkşı» tösbelgısımen üş adam marapattaldy. Odan bölek QR Kölık ministrınıŋ «Qūrmet gramotasy», «Alǧys haty», Atyrau oblysy äkımınıŋ Alǧys haty, QR Kölık ministrlıgınıŋ avtomobil joldary komitetı töraǧasynyŋ «Qūrmet gramotasy» jäne «Alǧys hatymen», oblystyq Mäslihat töraǧasynyŋ alǧys hatymen jalpy sany eluden astam adam marapattaldy.
⁃ Bırlesıp atqarǧan jūmystaryŋyzdyŋ arqasynda aimaqta ülken jobalar ıske asyp jatyr. Atyrau-Astrahan şekarasyndaǧy ötkızu beketınde jük kölıkterınıŋ kezegı mäselesın şeşu üşın aldaǧy uaqytta jolaqtar sany segızge deiın köbeitıledı. Sonymen qatar Atyrau-Dossor jolyn bırınşı sanatqa auystyru üşın qarjylandyru jūmystary jürıp jatyr. Barşaŋyzǧa eren eŋbek pen maŋdai terıŋız üşın alǧys aitamyn. Ärqaşan joldaryŋyz aşyq bolsyn!- dedı oblys äkımınıŋ orynbasary Qairat Nūrtaev.
Qazır Atyrau öŋırındegı avtomobil joldarynyŋ jalpy ūzyndyǧy 6500 şaqyrymǧa juyqtaidy. Biyl aimaqtaǧy 45 eldı mekende 78 joba ıske asyrylady. Olardyŋ aiasynda 230 şaqyrymnan astam jol jöndelıp, jaqsy jäne qanaǧattanarlyq jaǧdaidaǧy joldardyŋ ülesın 82 paiyzǧa deiın arttyru josparlanuda.
Oblystaǧy jolauşylar tasymaly jüielı jolǧa qoiylǧan. Qazır 95 baǧytta 12 mekeme qyzmet körsetıp, qala men barlyq audan arasynda qatynas qamtamasyz etılgen. Biyl jaŋa avtopark aşylyp, 90 zamanaui avtobus satyp alyndy, olardyŋ 48-ı qazan aiynda ıske qosyldy. Sonymen qatar «Aşyq aspan» rejimı engızılıp, halyqaralyq äuejai men 9 temırjol vokzaly jaŋǧyrtyluda. Būl jūmystarly jyl soŋyna deiın aiaqtau josparlanyp otyr.
Ūqsas jaŋalyqtar
