Atyrau qalasynda «ATYRAU VOLUNTEER FEST» erıktıler festivalı ötude. Auqymdy ıs-şaraǧa öŋırdıŋ 1000-ǧa juyq volonterı men belsendı jastary, sondai-aq halyqaralyq jäne otandyq ūiym ökılderı jinaldy.
Festivaldıŋ basty erekşelıkterınıŋ bırı – spikerlermen aşyq formattaǧy kezdesuler. Künı boiy türlı sala mamandary men qoǧam ökılderı jastarmen täjıribe almasyp, özektı taqyryptardy talqylauda.
Alǧaşqy sessiiada BŪŪ Balalar qory (UNICEF) jastarmen jūmys koordinatory Şarbanu Nūrǧazy jäne qoǧam belsendısı, IT-käsıpker Alpamys Jarilkasinov söz söiledı. Spikerler volonterlıktıŋ jahandyq deŋgeide damyp, jastardyŋ köşbasşylyq qabıletı men azamattyq jauapkerşılıgın qalyptastyruǧa yqpal etetının atap öttı.
Kelesı kezdesude BŪŪ Erıktıler baǧdarlamasynyŋ TMD elderı boiynşa serıktestık mamany Nūrai Mamytova, «Jastar Ruhy» jastar qanatynyŋ töraǧasy Aqerke Nūrǧaliqyzy jäne kinorejisser, jurnalist Äliia Äşım qatysyp, jastarǧa jergılıktı jäne halyqaralyq deŋgeidegı volonterlıkke qatysu mümkındıkterı bar ekenı, onyŋ täjıribe jinau men käsıbi damuǧa jol aşatynyn aitty.
Is-şarada oblys äkımınıŋ orynbasary Daryn Şamūratov aldaǧy uaqytta da volonterlık bastamalardy qoldap, auqymyn keŋeituge küş salatynyn aitty.
– Bügınde Atyrau oblysynda volonterlık qozǧalys jüielı türde damyp keledı. Öŋırde myŋǧa juyq erıktı jas pen 150-den astam kümıs volonter, 30 ükımettık emes ūiym tırkelgen, onyŋ 12-sı belsendı. Būdan bölek, 4 bastamaşyl top jūmys jasauda. Būl jastardyŋ qoǧam ömırıne belsendı aralasyp, äleumettık jauapkerşılıktı sezınetının körsetedı, – dedı D. Şamūratov.
Keşkı sessiiaǧa Ūlttyq volonterlık jelısınıŋ front-ofis basşysy Aibek Dosymbetov pen psihofiziolog, neiropsiholog Abdraşit Tülkıbaidyŋ qatysty.
Festival aiasynda halyqaralyq jäne jergılıktı 15-ke juyq ūiym öz qyzmetın körme formatynda tanystyruda. Qatysuşylar ekologiia, medisina, äleumettık kömek, tötenşe jaǧdailar jäne januarlarǧa qoldau körsetu baǧyttaryndaǧy jobalarmen tanysuda.
Festival keşkı saǧat 22:00-ge deiın jalǧasyp, gala-konsertpen qorytyndylanady. Keştıŋ hedlainerı – tanymal oryndauşy ARO.
Is-şara Atyrau oblysy Işkı saiasat basqarmasynyŋ qoldauymen «Jastar Ruhy» jastar qanatynyŋ oblystyq filialynyŋ ūiymdastyruymen ötude.
