Atyrauda joǧalyp ketken 1,5 jastaǧy balanyŋ denesı üiınıŋ qasynan tabyldy. Būl turaly öŋırdıŋ Jedel ştaby mälımdedı, dep jazady baq.kz.
Belgılı bolǧandai, balanyŋ mäiıtı üiınıŋ janyndaǧy septikten tabylǧan. Būryn habarlanǧandai, joǧalǧan balany ızdeuge jüzden astam polisei, 50 äskeri qyzmetşı, TJD 16 qyzmetkerı jäne 400-ge juyq erıktı qatysty. Sondai-aq 20-dan astam avtotehnika, üş dron, ekı qyzmettık it jūmyldyryldy. 1,5 jastaǧy Äli 20 mamyr künı şamamen 13.30-da üiden şyǧyp ketıp, oralmaǧan. Azh.kz jazuynşa, jaqyn maŋdaǧy baqylau kamerasynyŋ jazbasynda balanyŋ aulada tūrǧandyǧy körınedı, keiın ol jerden qozǧalady. Oljas Sūltanovtyŋ aituynşa, balanyŋ anasy bırneşe minutqa üige kırıp, bala dalada qalady. Äiel syrtqa şyqqan soŋ balasyn ainala ızdep, taba almai qalady.Ūqsas jaŋalyqtar
