Foto: Liu Yang / Xinhua
Qytaidyŋ Harbin qalasynda 30 qazan künı Harbin United Aircraft Technology Co., Ltd. korporasiiasy äzırlegen T1400 atty auyr salmaqty ūşqyşsyz tıkūşaq özınıŋ alǧaşqy synaqtyq ūşuyn sättı oryndady, dep habarlaidy “Adyrna”.
Būl äue apparatynyŋ eŋ joǧary ūşu massasy – 1400 kilogramm, äuede segız saǧatqa deiın ūşa alady. Onyŋ jūmys biıktıgı – 6500 metr, al köldeneŋ ūşu jyldamdyǧy – saǧatyna 180 kilometrge deiın jetedı.
T1400 tıkūşaǧynyŋ qūrylymy ekı qozǧaltqyştan tūrady jäne joǧary berıktegı kompozittık materialdar qoldanylǧan. Mūndai şeşım tıkūşaqtyŋ jük kötergıştıgın arttyryp, ışkı keŋıstıgın ūlǧaitqan. İntellektualdy basqaru jüielerınıŋ arqasynda būl tehnika qūtqaru jäne ızdestıru operasiialarynda, logistikalyq tasymaldauda, sondai-aq orman örtın söndırude keŋınen qoldanyluy mümkın.
Būrandalardyŋ boilyq ornalasu syzbasy tıkūşaqqa joǧary tūraqtylyq, manevrlılık jäne jük kötergıştık beredı. Maşina 8 baldyq jelde, –40°C-tan +55°C-qa deiıngı temperaturada jūmys ıstei alady, ärı tauly aimaqtarda, şölde jäne araldarda ūşyp-qonuǧa beiımdelgen.
Aita ketsek, T1400 – köp maqsatty auyr platforma retınde jobalanǧan. Ol naqty mındetke qarai konfigurasiiasyn özgerte alady. Joba tek azamattyq maqsattarǧa arnalmaǧan, ol qos maqsatty (dual-use) platforma bolyp sanalady. Bolaşaqta T1400 äskeri salada da – logistikalyq qoldau, evakuasiia, patrul jäne qamtamasyz etu operasiialarynda paidalanyluy mümkın.
