Qazırgı uaqytta alaiaqtyq äreketterdıŋ jaŋa türlerı köbeiıp keledı. Jūmys ornyn jelıde jariialau sifrlyq qauıp töndıredı. Būl turaly Sifrlyq damu, innovasiialar jäne aeroǧaryş önerkäsıbı ministrlıgınıŋ Aqparattyq qauıpsızdık komitetı töraǧa orynbasary Ümıtjan Aryqbekova Jibek Joly telearnasynyŋ «Bügın LIVE» baǧdarlamasynda mälımdedı, dep habarlaidy “Adyrna”.
“Alaiaqtar tek sızdıŋ derbes derekterıŋızdı bılgenımen, sızdıŋ atyŋyzdan nesie räsımdei almaidy. Būl üşın adamnyŋ özı SMS-kod nemese özge de rastau ädısterı arqyly rūqsat beruı kerek. Eger mūndai rastau bolmasa, nesie räsımdeu mümkın emes, — deidı Ümıtjan Aryqbekova.
Mamannyŋ pıkırınşe, adamnyŋ jūmys ornyn aşyq jariialau sifrlyq qauıpsızdıkke qater töndıredı.
“Azamattardyŋ jūmys orny da jeke derekterge jatady. Eger adam öz jūmys ornyn bılmestıkpen internetke jariialap qoisa, alaiaqtar sol mekemege habarlasyp, ol turaly aqparat aluǧa tyrysuy mümkın. Mysaly, mekemege qoŋyrau şalyp, «osyndai adammen bailanystyryp jıberıŋız» nemese «maǧan habarlassyn» dep sendıru arqyly türlı alaiaqtyq äreketterge barady. Osylaişa, azamattardyŋ aqşasyn zaŋsyz türde iemdenedı,” — deidı ol.
Aqparattyq qauıpsızdık komitetı osyndai mäselelerdıŋ aldyn alu üşın «Stop kredit» qyzmetın ıske qosqan.
“Būl baǧytta Aqparattyq qauıpsızdık komitetı qarqyndy jūmys jürgızıp jatyr. Alaiaqtardan saqtanu üşın eGov qosymşasyna «Stop kredit» qyzmetı engızıldı. Būl qyzmettı kez kelgen azamat paidalana alady,” — deidı studiia qonaǧy.
Ümıtjan Aryqbekova fişingtık saittardan saqtanu jolyn da tüsındırdı.
“Bız jiı «fişingtık sait» turaly aityp jatamyz, bıraq köpşılık būl ūǧymdy jete tüsıne bermeidı. Eger sızge qandai da bır kompaniianyŋ sıltemesın jıberıp, «osy sıltemege kırıŋız» dep habarlasqan adam bolsa, oǧan bırden kırmeŋız. Bızde Nomad Guard atty jüie bar. Sol jüiege kırıp, jıberılgen sıltemenı engızu arqyly onyŋ zaŋdy sait älde fişingtık sılteme ekenın tekseruge bolady”, — deidı Aqparattyq qauıpsızdık komitetı töraǧasynyŋ orynbasary.
Ministrlık mamany elımızdegı türlı zaŋdy ūiymdarǧa messendjer arqyly qoŋyrau şaluǧa tyiym salynǧanyn da jetkızdı.
“Qazırgı taŋda Aqparattyq qauıpsızdık komitetı qandai da bır ūiymdarǧa WhatsApp, Telegram siiaqty messendjerler arqyly azamattarǧa qoŋyrau şaluǧa tyiym saldy. Endı kez kelgen ūiym tek tırkelgen qalalyq nömır arqyly ǧana habarlasuy tiıs. Sol sebeptı, eger sızge bıreu mobildı nömırmen habarlasyp, qandai da bır mäselenı baiandap jatsa, mındettı türde onyŋ jūmys nömırın sūraŋyz. Sebebı alaiaqtardyŋ köpşılıgınde resmi jūmys nömırı bolmaidy”, — deidı ol.
