Batys Qazaqstan oblysynda azamattardyŋ ömır sapasyn jaqsartu maqsatynda auqymdy infraqūrylymdyq jobalar ıske asyryluda. Energetika, su jäne kärız jüielerın jaŋartu, tūrǧyn üi qūrylysy men logistika syndy baǧyttarda atqarylyp jatqan jūmystar öŋır tūrǧyndarynyŋ tūrmysyn edäuır jaqsartuǧa baǧyttalǧan.
BQO energetika jäne TÜKŞB basqarma basşysy Beiımbet Musinnıŋ taratqan aqparatyna süiener bolsaq 2023 jyldan bastap öŋırde energetika jäne tūrǧyn üi-kommunaldyq şaruaşylyǧy salasynda bırqatar maŋyzdy jobalar jüzege asyryluda. Mäselen, Oral qalasynyŋ jerasty su közınde alty jaŋa ūŋǧyma būrǧylanyp, su öndıru kölemı täulıgıne 40 myŋ tekşe metrge artty. Al 2025 jyly jalpy qūny 21,6 milliard teŋgenı qūraityn Oral jerasty su közderın rekonstruksiialau jūmystary bastaldy. Būl öŋır tūrǧyndarynyŋ taza auyz sumen qamtamasyz etıluın arttyruǧa baǧyttalǧan şaralar. - Kärız jüielerı de jaŋartylady. 2023 jyldan berı oblys boiynşa 10,5 milliard teŋgege tört ırı nysan ıske qosyldy, al №18A kärızdık sorǧy stansiiasynyŋ rekonstruksiiasy jyl soŋyna deiın aiaqtalyp, seksen myŋnan astam abonent tūraqty su būru jüiesıne qosylady. Jylu jüiesınde de jaŋarular oryn aluda. Zaşaǧan kentınde 489 million teŋgege jaŋa qazandyq salynyp, 60 myŋnan astam tūrǧyn tūraqty jylumen qamtamasyz etıldı. Sonymen qatar, №1 turboagregattyŋ jaŋartyluy men ekologiialyq tūrǧydan tiımdı şaralar qabyldandy, būl öŋırdıŋ energiia tiımdılıgın arttyruǧa mümkındık beredı,- dedı basqarma basşysy Beiımbet Mälıkūly.
Su men tūrǧyn üi qūrylysy
Öŋırdegı sumen qamtu mäselesı de basym baǧyttardyŋ bırı bolyp tabylady. 2025 jyldyŋ soŋyna deiın barlyq auyl tūrǧyndaryn taza auyz sumen tolyq qamtamasyz etu josparlanyp otyr. Bügıngı künı oblys halqynyŋ 98,6%-y ortalyqtandyrylǧan auyz sumen qamtamasyz etılgen, al jyl soŋyna deiın būl körsetkış 100%-ǧa jetedı dep kütılude. Oblystyq qūrylys basqarmasynyŋ basşysy Nürken Moldaşevtyŋ aituynşa, būdan bölek, üstımızdegı jylǧa deiın 15 auyldyq eldı mekendı sapaly auyz sumen qamtu üşın 14 joba jüzege asyrylady.- Tūrǧyn üi qūrylysynda da eleulı özgerıster baiqalady. 2023 jyly 19,3 milliard teŋge qarastyrylyp, 1292 päterdıŋ qūrylysy josparlanǧan. Osy jyly 516 päter paidalanuǧa berıledı, onyŋ ışınde köpqabatty üiler men auyldyq jerlerde jaŋa tūrǧyn üiler bar. Äleumettık osal toptar üşın Oral qalasy men oblys audandarynda 555 päter satyp alu da közdelgen,- dedı basqarma basşysy Nürken Edılūly.
İnjenerlık infraqūrylymdyq jobalar sättı jüzege asuda
Qūrylys basqaramasy mälımdegendei, öŋırde injenerlık kommunikasiialyq infraqūrylymdar salasynda on ekı nysannyŋ qūrylysyna 10,2 milliard teŋge bölınıp, 1588 jeke tūrǧyn üi qūrylysyn saluǧa qajettı injenerlık jelılermen qamtamasyz etu josparlanuda. Būl jobalar tūrǧyndardyŋ sapaly kommunaldyq qyzmetterge qoljetımdılıgın qamtamasyz etu maqsatynda jüzege asyryluda.
Batys Qazaqstan oblysynda atqarylyp jatqan infraqūrylymdyq jobalar öŋırdıŋ damuyndaǧy maŋyzdy qadamdardy körsetedı. Su, jylu, kärız jüielerınıŋ jaŋartyluy, tūrǧyn üi qūrylysyndaǧy jaŋalyqtar men injenerlık infraqūrylymnyŋ damuy öŋır tūrǧyndarynyŋ ömır sapasyn arttyryp, ekologiialyq tūrǧydan tiımdı şeşımder qabyldanuyna yqpal etedı. Būl jūmystar bolaşaqta Batys Qazaqstannyŋ tūraqty damuyna jäne azamattardyŋ äl-auqatynyŋ jaqsaruyna sep bolmaq.
Avtomobil joldaryn jöndeu jūmystary qarqyndy jürıp jatyr
Batys Qazaqstan oblysy aumaǧyndaǧy avtomobil joldarynyŋ jalpy ūzyndyǧy 6183 şaqyrymdy qūraidy. Onyŋ ışınde respublikalyq maŋyzy bar joldar – 1349 km, al jergılıktı maŋyzy bar joldar – 4834 km.Bügınde respublikalyq maŋyzy bar avtojoldardyŋ 83 paiyzy, al jergılıktı maŋyzy bar joldardyŋ 56 paiyzy normativtık jaǧdaida. Jolauşylar kölıgı jäne avtomobil joldary basqarmasynyŋ mälımetınşe 2025 jyldyŋ soŋyna deiın jergılıktı maŋyzy bar joldardyŋ jaqsy jäne qanaǧattanarlyq deŋgeidegı ülesın 62 paiyzǧa deiın jetkızu josparlanuda. 2024 jyly oblystyq jäne audandyq maŋyzy bar avtojoldardy jöndeuge 34,8 mlrd teŋge bölınıp, nätijesınde 250,8 şaqyrym jol jöndeldı. Onyŋ ışınde qaita jaŋartu jūmystary – 41,5 km, kürdelı jöndeu – 103,8 km, ortaşa jöndeu – 105,5 km. Sonymen qatar, «Auyl – el besıgı» baǧdarlamasy aiasynda 8,8 mlrd teŋge qarjy bölınıp, 88 km auylışılık joldarǧa jöndeu jūmystary jürgızılgen.
2025 jyly da jol sapasyn jaqsartu baǧytyndaǧy jūmystar jalǧasuda. Biyl jalpy somasy 45,3 mlrd teŋgege juyq qarajat esebınen 263 km-den astam joldy jöndeu josparlanǧan. Onyŋ 34,6 mlrd teŋgesı (75%) igerıldı.
Sonyŋ ışınde oblystyq maŋyzy bar 8 joba (109,3 km) jäne audandyq maŋyzy bar 15 joba (111,4 km) qamtylǧan. Būl jūmystarǧa 39,4 mlrd teŋge bölınıp, sonyŋ 30,6 mlrd teŋgesı (77%) igerıldı. Nätijesınde 220,7 km joldy jöndeu közdelgen. Onyŋ ışınde qaita jaŋartu – 35 km, kürdelı jöndeu – 108,7 km, ortaşa jöndeu – 55,7 km, aǧymdaǧy jöndeu – 21,3 km. Qazırgı taŋda 207,3 km (94%) jolda asfalt-beton jabyny töselıp, jūmystar aiaqtaluǧa jaqyn.
«Auyl – el besıgı» baǧdarlamasy aiasynda biyl 15 eldı mekende auylışılık joldardy jöndeuge 5,9 mlrd teŋge bölındı, onyŋ 3,9 mlrd teŋgesı (66%) igerıldı. Osy qarajat esebınen 42,3 km jolǧa asfaltbeton jabyndy töseu josparlanuda. Bügıngı taŋda 24,5 km (58%) jolda jöndeu jūmystary aiaqtalǧan.
