Reseilık «Proekt» basylymy jürgızgen zertteu nätijesınde, Resei prezidentı Vladimir Putin öz tuystaryn jäne jaqyn adamdaryn bilık pen ekonomika salasyndaǧy yqpaldy qyzmetterge ornalastyrǧany anyqtaldy, dep habarlaidy «Adyrna».
Basylym mälımetınşe, Putin bilık etken jyldar ışınde kemınde 24 tuysy men oǧan jaqyn adamdar – qyzdarynan bastap, boljam boiynşa süiıktılerı men olardyŋ tuystaryna deiın – memlekettık qūrylymdarmen tyǧyz bailanysty joǧary lauazymdarǧa ie bolǧan.
«Jūmysqa ornalasqandardyŋ» qatarynda Putinnıŋ qyzdary Mariia Voronsova men Ekaterina Tihonovanyŋ otbasylary, sondai-aq onyŋ nemere aǧaiyndary Evgenii jäne İgor Putinder, nemere qaryndastary Liubov Şelomova men Liubov Kruglova bar. Tergeu derekterıne süiensek, olardyŋ barlyǧy memlekettık kompaniialar men mekemelerge tıkelei qatysy bar tabys közderınen paida körıp otyr.
Sonymen bırge, Putinmen köŋıl jarastarǧan äielderdıŋ – būrynǧy jūbaiy Liudmila Ocheretnaia, gimnast Alina Kabaeva, käsıpker Svetlana Krivonogih jäne telejürgızuşı Alisa Harcheva — tuystary da ırı memlekettık qūrylymdar men kompaniialarda qyzmet etetını belgılı boldy.
Fotoda Alina Kabaeva
Eŋ yqpaldy lauazymdar prezidenttıŋ nemere aǧasy Evgenii Putinnıŋ otbasyna būiyrǧan. Onyŋ qyzy Anna Sivileva qazırgı taŋda Resei qorǧanys ministrınıŋ orynbasary qyzmetın atqarady, al küieuı Sergei Sivilev – eldıŋ energetika ministrı. Annanyŋ aǧasy Mihail Putin – «Gazprom» kompaniiasynda joǧary qyzmette.
«Proekt» deregınşe, tuystyq bailanys arqyly bilık pen bailyqty bölu deŋgeiı boiynşa Vladimir Putin Resei tarihynda rekord ornatqan. Būl körsetkış Romanovtar däuırınen berı bolmaǧan, al mysaly, Boris Elsin kezınde bar bolǧany bes tuysy ǧana joǧary qyzmetke taǧaiyndalǧan.
