Abai oblysynyŋ äkımı Berık Uäli oblys äkımdıgı tarapynan 400 million teŋgege jihaz satyp alu turaly aqparatqa qatysty tüsınıkteme berdı, dep habarlaidy "Adyrna" ūlttyq portaly.
Būǧan deiın būqaralyq aqparat qūraldarynda oblys äkımdıgı biudjet tapşylyǧyna qaramastan, 400 million teŋgege jihaz aludy josparlap otyrǧany turaly habar taraǧan edı.
Berık Uälidıŋ aituynşa, ol būl soma jaily alǧaş ret BAQ arqyly bılgen jäne bırden satyp alu prosesın toqtatqan.
«Ärıptes jurnalister auditoriiasyn keŋeitu maqsatynda aqparatty teksermei jariialaǧan. Sonyŋ saldarynan men özıme 400 million teŋgege jihaz satyp alyp jatyrmyn degen qaueset tarady», — dedı äkım.
Onyŋ sözınşe, jihaz memlekettık qyzmetkerlerdıŋ jūmys kabinetterıne arnalǧan. Barlyǧy 671 qyzmetkerge üstel, kompiuter üstelı, oryndyq, şkaf siiaqty qarapaiym keŋse jihazy qajet bolǧan.
«2024 jyly jihaz satyp alu boiynşa baiqau jetı ret ötkızılgenımen, jeŋımpaz anyqtalmaǧan. Men qyzmetke kelgen kezde būl prosess jürıp jatqan edı, bıraq men ony dereu toqtattym», — dedı Berık Uäli.
Sonymen qatar äkım endı är basqarma men bölımnıŋ satyp alu ötınımderın bölek jariialaudy tapsyrǧanyn aitty.
«Menıŋ kabinetıme eşqandai jaŋa üstel nemese oryndyq alynǧan joq. Būl jihazdar oblys qūrylǧannan berı öz üiındegı üstel men oryndyqtaryn äkelıp jürgen qyzmetkerler üşın qajet», — dep atap öttı ol.
Äkımnıŋ aituynşa, memlekettık qyzmetşılerge qolaily eŋbek jaǧdaiyn jasau — mındettı şara.
«Bız bärıbır būl konkursty jariialaimyz. Öitkenı, qyzmetkerlerdıŋ kündelıktı jūmysyna jaǧdai jasau qajet. Būl jihazdar 671 qyzmetkerdıŋ kündelıktı paidalanuyna arnalǧan», — dedı Berık Uäli.
