Qazaqstannyŋ auyldaǧy mektepterdı damytu täjıribesı HundrED Global Collection 2026 halyqaralyq reitingınıŋ negızgı tızımıne endı. Būl tızım älemde ıske asyruǧa ūsynylǧan 100 üzdık bılım beru innovasiiasyn qamtidy. Irıkteudı Finliandiiadaǧy HundrED ükımettık emes ūiymy ötkızdı, oǧan 800-den astam ötınım berılgen.
Qazaqstanda Memleket basşysy Qasym-Jomart Toqaevtyŋ tapsyrmasymen orta bılım beru ūiymdarynda bılım sapasyn arttyru, barlyq bala üşın teŋ ärı qoljetımdı bılım beru ortasyn qūru boiynşa keşendı jūmystar jürgızılude. 2023–2024 oqu jyldary Aqtöbe oblysynda Oqu-aǧartu ministrlıgı men oblys äkımdıgınıŋ qoldauymen «Şaǧyn jinaqty mektepterdıŋ äleuetın sifrlyq tehnologiialardy paidalana otyryp damytu» jobasy ıske qosylǧan bolatyn. Jobany Bılım beru salasyn tūraqty damytu qory jüzege asyrdy.
Pilottyq jobaǧa öŋırden 134 şaǧyn jinaqty mektep, 12 tırek mektep qatysyp, onda barlyǧy 10395 oquşy qamtyldy. Sondai-aq 1000-nan astam mūǧalımnıŋ qatysuymen şaǧyn jinaqty mektep oquşylary üşın 12 000 onlain sabaq ūiymdastyryldy.
Ony qarjylandyruǧa Aqtöbe oblysynyŋ äkımdıgı, Qazaqstan halqyna qory qatysty. «Qazaqstan halqyna» qory arqyly şaǧyn jinaqty mektepterdıŋ materialdyq-tehnikalyq jaraqtandyryluyna 2,063 mlrd teŋge, sondai-aq Aqtöbe oblysynyŋ äkımdıgı arqyly kabinetterdı jöndeu, joǧary jyldamdyqtaǧy internetpen qamtamasyz etu jäne mūǧalımderge yntalandyru tölemderı üşın 2 mlrd teŋgege juyq qarajat jūmsalǧan.
Aita ketu kerek, öŋırlerge jūmys sapary kezınde oqu-aǧartu ministrı Jūldyz Süleimenova şalǧai auyldardaǧy şaǧyn jinaqty mektepterde bolyp, ondaǧy oqu prosesın ūiymdastyru, tehnikalyq jaraqtandyru, pedagogtermen qamtamasyz etu mäselesıne erekşe basymdyq berude.
