AQŞ energetika ministrlıgıne qarasty «Sandiia» ūlttyq zerthanasy jazda modernizasiialanǧan V61-12 termoiadrolyq aviabombasyn synaqtan sättı ötkızgenın mälımdedı, dep habarlaidy "Adyrna" ūlttyq portaly.
Report mälımetınşe, ūşu synaqtary 19–21 tamyz künderı Nevada ştatyndaǧy Tonopa poligonynda jürgızılgen.
Synaq barysynda besınşı buyn F-35 joiǧyş ūşaqtary inerttı V61-12 ülgısın nysanaǧa deiın jetkızıp, tastau operasiiasyn oryndaǧan. Zerthana mamandarynyŋ aituynşa, synaq nätijelerı qarudyŋ tiımdılıgın baǧalauda maŋyzdy kezeŋ boldy jäne oŋ nätije körsettı.
AQŞ-tyŋ Iаdrolyq qauıpsızdık jönındegı ūlttyq agenttıgı (NNSA) ötken jyldyŋ jeltoqsanynda V61 seriiasyndaǧy iadrolyq aviabombalardy jaŋartu baǧdarlamasyn aiaqtaǧan edı. Jaŋartu barysynda bombalarǧa jaŋa plutonii özekterı ornatylyp, olardyŋ qyzmet etu merzımı kemınde 20 jylǧa ūzartyldy.
V61 – 1962 jyldan berı AQŞ-ta öndırıletın, quaty 0,3-ten 340 kilotonnaǧa deiın özgeretın äue arqyly jetkızıletın taktikalyq iadrolyq qaru otbasyna jatady. Būǧan deiın V61-1 – V61-4 modifikasiialarynan 400 dana V61-12 jasau turaly şeşım qabyldanǧan. Būl bombalar äsırese nyq bekıtılgen jerasty bunkerlerın joiuǧa arnalǧan.
Bekarys Jandaulet
