Astana qalasynyń 20 jyldyǵyna arnalǵan «Azııa jańǵyryǵy» halyqaralyq ırk óneri festıvaline qatysýshylar Almatyda merekelik qoıylym usyndy. Onda álemniń ár qıyrynan kelgen tanymal ırk ujymdary óner kórsetti. Qazaq memlekettik ırkindegi merekelik qoıylymda – Nıkaragýa,Reseı, Belarýs, Ýkraına, Ózbekstan jáne Qyrǵyzstannyń tanymal ırk maıtalmandary óner kórsetti. Álemniń eń úzdik ónerpazdarynyń biregeı týyndylary aılaly amaldar men qaýipti qımyldarǵa qurylǵan.
Alena Klımovıch, Belarýs memlekettik ırkiniń ókili:
- Men Belarýs elinen kelip Almaty ırkinde óner kórsetip jatyrmyn. Biz qaýippen kún saıyn betpe-bet kelemiz. Degenmen, sheberligimiz shyńdalǵanymen patsha kóńildi kórermendi bir sátke bolsa da ýaıymynan aryltyp, qýanyshqa keneltý úshin táýekelge baramyz. Talaby bolsa adamdy ónerge baýlý asa qıyn emes. Al, jyrtqyshtyń tilin taýyp, aıtqanyńa kóndirý qıynnyń qıyny. Osy kóriniske kýá bolǵan kópshilik ónerpazdardyń erligine tánti boldy.
Marjan Sháriphanqyzy, qala turǵyny:
- Búgin balalardy ırkke alyp keldik, bári unady. Barysty, ıtterdi, qustardy kórdi. Óte jaqsy, bári kóńilimizden shyqty. Basqa ırkten erekshelikteri sol ár elden qonaqtar keldi. Bishkekten keldi, Ózbekstannan keldi.
Almaty ırki manejiniń kóginde qustaı qalyqtaǵan ırk óneriniń has sheberleri jasqa da, jasamysqa da erekshe áser syılady. Jonglerlardyń qaljyńyna ishekteri túıilgenshe kúlgen kópshilik, áýe akrobattarynyń qaýipti áreketterin kórip qorqynysh sezimine bólendi. Osylaısha, demde qýanyp, artynsha úreı qushaǵyna engen kórermen ertegiler álemine enip ketkendeı kúı keshti. ırk kórermenge óner bolsa, jan-janýarlar men olardy úıretýshi mamandar úshin ómir. Sondyqtan, álemniń eń myqty ırk ónerpazdarynyń sheberlik áreketi men qaljyńǵa toly qımyldaryn kórip, ónermen ushtasqan ómir týraly bilgińiz kelse qapy qalmańyz. Elordanyń 20 jyldyǵyna arnalǵan ırk qoıylymy megapolıste 19 tamyzǵa deıin jalǵasady.
Nurlan ASQARULY
