Qazaqstanda bank sektoryn retteudıŋ jaŋa tetıkterı engızılıp jatyr. Būl turaly Ükımet otyrysynda Qarjy naryǧyn retteu jäne damytu agenttıgınıŋ töraǧasy Mädina Äbılqasymova mälımdedı, dep habarlaidy «Adyrna» tılşısı.
Aituynşa, Ükımettıŋ, Ūlttyq banktıŋ jäne Agenttıktıŋ bırlesken ıs-qimyl baǧdarlamasy şeŋberınde biznestı nesieleudı yntalandyru jäne halyqtyŋ nesie aluyn tömendetu boiynşa auqymdy şaralar jüzege asyrylatyn bolady.
Mäselen, 2026 jylǧy säuırden bastap bölşek qaryzdar üşın qosymşa kapitaldy qalyptastyru boiynşa talap engızıledı. Qarjy instituttary mūndai nesieler boiynşa 2%-ǧa deiın rezervke qoiudy mındetteidı, būl bankter üşın tūtynu portfelın qūrudy ekonomikalyq tūrǧydan tiımsız etedı.
Sonymen qatar biznestı kreditteudı yntalandyru maqsatynda Agenttık ötımdılıktıŋ tömendetılgen koeffisientterınıŋ qoldanyluyn 0,9 deŋgeiınde ūzartady. Būl şara Qazaqstan ekonomikasy üşın şamamen 3 trln teŋgenı bosatuǧa mümkındık beredı, ony bankter käsıpkerlerdı qarjylandyruǧa baǧyttai alady.
Özgerıster paiyzdyq mölşerlemelerdı qalyptastyru mehanizmıne de äser etedı. Mysaly, ipoteka, qomaqty bastapqy jarnany töleitınder üşın arzanyraq bolady jäne tūtynuşylyq nesieler boiynşa paiyzdar endı bekıtılmeidı.
«Agenttık Ūlttyq bankpen bırlesıp, qaryz somasynyŋ tūrǧyn üi qūnyna qatynasyna qarai ipoteka boiynşa stavkalardy aiqyndaudyŋ jaŋa ädıstemesın äzırleidı. Būl mölşerlemenı naqty täuekel deŋgeiımen bailanystyruǧa jäne nesielerdıŋ qoljetımdılıgın saqtauǧa mümkındık beredı. Kepılsız tūtynuşylyq kreditterge qatysty naryqtyq derekter negızınde şektı jyldyq tiımdı syiaqy mölşerlemesın esepteu ädıstemesı qaita qaralatyn bolady»,-dedı Mädina Äbılqasymova.
Tūtynuşylyq kredit berudegı täuekelderdı azaitu üşın 2026 jyly jiyntyq boryştyŋ jyldyq kırıske qatysty koeffisientı ıske qosylyp, onyŋ normativtık mänı belgılenedı. Sondai-aq boryş jüktemesınıŋ koeffisientın esepteu qataŋdatylady.
Sondai-aq 2027 jylǧy 1 mamyrǧa deiın kollektorlarǧa kreditterdı satuǧa tyiym salu ūzartyluda, būl problemaly qaryz aluşylar sanyn ekı esege qysqartuǧa mümkındık berdı. Sonymen qatar bankrottyq räsımı jeŋıldetıledı. Bankter tiıstı kandidattardy özderı anyqtai bastaidy jäne olarǧa SMS arqyly qaryzdardy esepten şyǧaru mümkındıgı turaly habarlaidy.
