Qazaqstan Prezidentı Qasym-Jomart Toqaev Armeniia Premer-ministrı Nikol Paşinianmen kelıssözder ötkızdı. Būl turaly Aqorda jazdy, dep habarlaidy "Adyrna".
Toqaev būl sapardyŋ erekşe maŋyzǧa ie ekenın atap öttı.
"Asa qūrmettı Nikol Vovaevich, Qazaqstanǧa qoş keldıŋız! Sızdıŋ saparyŋyz öte maŋyzdy. Ekı eldıŋ strategiialyq serıktestık deŋgeiındegı qarym-qatynasynyŋ damuyna ülken serpın beredı dep senemız. Būl – Qazaqstanǧa alǧaşqy saparyŋyz. Şyn mänınde, qazaq halqy Armeniia jūrtyna, tarihyna, salt-dästürıne, mädenietıne zor qūrmetpen qaraidy. Sapar barysynda bırqatar maŋyzdy kelısımge qol qoiylady", – dedı Qasym-Jomart Toqaev.Öz kezegınde Nikol Paşinian Qazaqstanǧa şaqyru men jyly qabyldauy üşın alǧys aitty.
"Asa qūrmettı Prezident myrza, menı Qazaqstanǧa resmi saparmen şaqyryp, Astanada qonaqjailyq tanytqanyŋyz üşın alǧys aitamyn. Būl sapar bızdıŋ ekıjaqty qarym-qatynasymyzǧa tyŋ serpın beredı. Qos memleket arasyndaǧy yntymaqtastyqtyŋ jaŋa kezeŋı Sızdıŋ byltyr Armeniiaǧa jasaǧan resmi saparyŋyzdan bastau aldy. Sonyŋ nätijesınde maŋyzdy kelısımderge qol qoiyldy. Onyŋ keibırı jüzege asyryldy, qalǧan bölıgı oryndalu üstınde. Qazaqstanǧa resmi saparmen kelu – men üşın zor märtebe!", – dedı Nikol Paşinian.Nikol Paşinian resmi saparmen Astanaǧa keşe, 2025 jylǧy 20 qaraşada keldı. Äuejaida ony Qazaqstan Premer-ministrı Oljas Bektenov qarsy aldy.
2025 jylǧy 21 qaraşada Armeniia Premer-ministrı Instagram jelısınde qar basqan Astananyŋ fonynda video jariialap, dästürlı jürek belgısın körsettı.
Ūqsas jaŋalyqtar
