قازاقستان پرەزيدەنتى قاسىم-جومارت توقاەۆ ارمەنيا پرەمەر-ءمينيسترى نيكول پاشينيانمەن كەلىسسوزدەر وتكىزدى. بۇل تۋرالى اقوردا جازدى، دەپ حابارلايدى "ادىرنا".
توقاەۆ بۇل ساپاردىڭ ەرەكشە ماڭىزعا يە ەكەنىن اتاپ ءوتتى.
"اسا قۇرمەتتى نيكول ۆوۆاەۆيچ، قازاقستانعا قوش كەلدىڭىز! ءسىزدىڭ ساپارىڭىز وتە ماڭىزدى. ەكى ەلدىڭ ستراتەگيالىق سەرىكتەستىك دەڭگەيىندەگى قارىم-قاتىناسىنىڭ دامۋىنا ۇلكەن سەرپىن بەرەدى دەپ سەنەمىز. بۇل – قازاقستانعا العاشقى ساپارىڭىز. شىن مانىندە، قازاق حالقى ارمەنيا جۇرتىنا، تاريحىنا، سالت-داستۇرىنە، مادەنيەتىنە زور قۇرمەتپەن قارايدى. ساپار بارىسىندا بىرقاتار ماڭىزدى كەلىسىمگە قول قويىلادى", – دەدى قاسىم-جومارت توقاەۆ.ءوز كەزەگىندە نيكول پاشينيان قازاقستانعا شاقىرۋ مەن جىلى قابىلداۋى ءۇشىن العىس ايتتى.
"اسا قۇرمەتتى پرەزيدەنت مىرزا، مەنى قازاقستانعا رەسمي ساپارمەن شاقىرىپ، استانادا قوناقجايلىق تانىتقانىڭىز ءۇشىن العىس ايتامىن. بۇل ساپار ءبىزدىڭ ەكىجاقتى قارىم-قاتىناسىمىزعا تىڭ سەرپىن بەرەدى. قوس مەملەكەت اراسىنداعى ىنتىماقتاستىقتىڭ جاڭا كەزەڭى ءسىزدىڭ بىلتىر ارمەنياعا جاساعان رەسمي ساپارىڭىزدان باستاۋ الدى. سونىڭ ناتيجەسىندە ماڭىزدى كەلىسىمدەرگە قول قويىلدى. ونىڭ كەيبىرى جۇزەگە اسىرىلدى، قالعان بولىگى ورىندالۋ ۇستىندە. قازاقستانعا رەسمي ساپارمەن كەلۋ – مەن ءۇشىن زور مارتەبە!", – دەدى نيكول پاشينيان.نيكول پاشينيان رەسمي ساپارمەن استاناعا كەشە، 2025 جىلعى 20 قاراشادا كەلدى. اۋەجايدا ونى قازاقستان پرەمەر-ءمينيسترى ولجاس بەكتەنوۆ قارسى الدى.
2025 جىلعى 21 قاراشادا ارمەنيا پرەمەر-ءمينيسترى Instagram جەلىسىندە قار باسقان استانانىڭ فونىندا ۆيدەو جاريالاپ، ءداستۇرلى جۇرەك بەلگىسىن كورسەتتى.
ۇقساس جاڭالىقتار
