Qazaqstandyq hokkeişıler Beijıŋde ötken Aziia chempionatynda barlyq matchta jeŋıske jettı. Qūramamyz soŋǧy turda Japoniia qūramasynan 4:3 esebımen basym tüstı, dep habarlaidy “Adyrna”.
Bırınşı kezeŋ 1:1 esebımen aiaqtalyp, alǧaşqy goldy Kirill Liapunov soqty.
Ekınşı kezeŋde bızdıŋ hokkeişıler alǧa şyqty. Alaida japoniialyqtar qaitadan tarazy basyn teŋestırdı. Al hokkeişılerımız 18 sekundtan keiın-aq jauap qaitaryp, mümkındıktı tiımdı paidalandy. Būl kezeŋ 4:2 esebımen aiaqtalyp, Roman Starchenko dubl avtory atandy. Match soŋynda qarsylas esep aiyrmasyn qysqartty. Alaida bızdıŋ jıgıtter japoniialyqtardyŋ şabuylyn toqtatyp, jeŋıstı saqtap qaldy. Osylaişa Qazaqstan qūramasy qatarynan ekınşı märte Aziia chempiony atandy.
Aita keteiık, būǧan deiıngı ekı kezdesude de qazaqstandyq hokkeişıler jeŋıske jetken edı. Aldymen Oŋtüstık Koreiany 4:2 esebımen ūtty, keiın Qytaidy 5:1 esebımen tas-talqan ettı.
Osylaişa Qazaqstan qūrlyqtyq turnirde bırınşı oryndy ielendı.
