Bügın qazaq ziialysy, aqyn, jazuşy Mırjaqyp Dulatūlynyŋ tuǧanyna 140 jyl toldy, dep habarlaidy "Adyrna" ūlttyq portaly.
Mırjaqyp Dulatūly 1885 jyly 25 qaraşada būrynǧy Torǧai oblysynyŋ Jangeldin audanyndaǧy Qyzbel atty auylda ömırge kelgen.
Qazaq aqyny, jazuşy, aǧartuşy-pedagog jäne Alaş Orda ükımetınıŋ beldı müşesı auyl moldasyna oquǧa baryp, keiın auyldyq mektepte orys tılın meŋgergen. 1897 jyly ol ekı synyptyq orys-qazaq uchilişesıne tüsıp, oquyn tämamdaǧan soŋ auyl mūǧalımı mamandyǧyn alǧan. 1902 jyldan bastap auylda mūǧalımdık qyzmet atqara jürıp, bos uaqytynda bılımın jetıldırıp, ädebietke äuestengen.
Mırjaqyp Dulatūlynyŋ şyǧarmaşylyǧy men qoǧamdyq qyzmetı qazaq ziialylarynyŋ damuyna eleulı üles qosqan. Ol öz kezeŋındegı qoǧam mäselelerın kün tärtıbıne şyǧaryp, eldıŋ äleumettık ömırın jaqsartu üşın tynymsyz eŋbek etken. «Qazaq» gazetınde Ahmet Baitūrsynovtyŋ orynbasary bolyp jūmys ıstegen Mırjaqyp qalamynyŋ küşı men publisistikasy arqyly gazettıŋ körnektı deŋgeige jetuıne üles qosqan.
Sonymen qatar, ol äiel teŋsızdıgıne qarsy şyǧyp, zamandastarynyŋ ozbyrlyq äreketterın äşkerelegen. Ömırınıŋ soŋǧy jyldaryn Sosnovsk stansiiasyndaǧy jazalau lagerınde auyr jaǧdaida ötkızgen Mırjaqyp Dulatūly 1935 jyly qaitys boldy.
