Muqaǵalı Maqataev týraly fılm kórermenge usynylmaq

594

Qazaqtyń aqıyq aqyny Muqaǵalı Maqataevtyń týǵanyna 90 jyl toldy. Kúlli ǵumyryn qazaq óleńine arnaǵan aqdaýyl aqynnyń osynaý mereıtoıyna arnap "Qazaqfılm" stýdııasy da atsalysyp jatyr, dep habarlaıdy "Adyrna" Ulttyq portaly.

«Qazaqfılm» kınostýdııasynyń facebook.com paraqshasynda jazýynsha: "Muqaǵalı Maqataevtyń 90-jyldyq mereıtoıy qarsańynda, ultymyzdyń aqıyq aqynynyń atalǵaly otyrǵan besinshi mereıtoıyn osy joly erekshe ótkizýge «Qazaqfılm» kınostýdııasy da aıanbaı at salysýda. Nazaryńyzǵa usynylyp otyrǵan sýrette kınoteatrlar ashylǵan kezde alǵashqy bolyp kórermenge jol tartatyn, rejısser Bolat Qalymbetovtyń «Muqaǵalı» kórkem fılminiń túsirilim barysy.

Muqaǵalı degende eń aldymen oıǵa oralatyn onyń syrshyl da názik lırıkasy 50 jyl ótse de el esinen umytylǵan emes. Al sizdiń aqynmen alǵashqy tanystyǵyńyz qalaı boldy, eń birinshi oıyńyzǵa oralatyn óleńi qandaı?", dep jazǵan.

Esterińizge sala ketsek, fılmniń túsirilim jumystary 2019 jyldyń maýsym aıynda bastalǵan. Negizgi epızodtar Almaty oblysy men Almaty, Óskemen qalalarynda jáne Sankt-Peterbýrgte túsirildi. Kartına aqyn ómiriniń sońǵy jyldaryndaǵy bastan keshken alýan taǵdyr jolyn beıneleıdi.

1931 jyly 9 aqpanda Almaty oblysyna qarasty qazirgi Raıymbek aýdanynyń Qarasaz aýylynda ómir esigin ashqan. 1976 jyldyń 27 naýryzynda Almaty qalasynda  naýqastan qaıtys bolǵan aqynnyń sońynda ólmes jyrlary men aýdarmalary qaldy.

 

 

Pikirler
Redakııa tańdaýy