23 qaraşada Almatyda balalar futbolyndaǧy jyldyŋ eŋ ırı sporttyq şaralarynyŋ bırı - «Balalar Futbol Ligasy» boiynşa qalalyq chempionattyŋ jeŋımpazdary men jüldegerlerın marapattau räsımı öttı.
Biylǧy mausym tamyzdan qaraşaǧa deiın jalǧasty, oǧan qalanyŋ barlyq audandaryndaǧy futbol mektepterı men akademiialary atynan 300 komandadan 5000-nan astam bala qatysty. Räsım barysynda 7–17 jas aralyǧyndaǧy komandalar, sondai-aq qyzdar arasyndaǧy turnirdıŋ U11 jäne U14 sanattary boiynşa jeŋımpazdar marapattaldy. Turnir Almatydaǧy būqaralyq sporttyŋ negızgı jobalarynyŋ bırı retınde balalar men jasöspırımderdıŋ tūraqty jarys prosesıne joǧary deŋgeide qatysuyn qamtamasyz ettı.
Jas futbolşylardy qazaqstandyq tanymal sportşylar men futbol qairatkerlerı - Sabyrhan İbraev, Sergei Klimov, Eduard Glazunov, İgor Utrobin, Sergei Skoryh, Elmira Abdullaeva jäne Viktor Katkov qūttyqtady. Olardyŋ qatysuy balalar üşın maŋyzdy yntalandyruşy jäne şabyttandyruşy faktor boldy.
Almaty futbol federasiiasynyŋ basşysy Bauyrjan Talǧatūly:
«El Prezidentı Qasym-Jomart Toqaev bırneşe ret atap ötkendei, būqaralyq sportty damytu - denı sau jastardy tärbieleudıŋ jäne ūlt densaulyǧyn nyǧaitudyŋ negızgı şarty. Bızdıŋ turnir - būqaralyq sporttyŋ täjıribede qalai damyp kele jatqandyǧynyŋ aiqyn dälelı: futbolmen ainalysuǧa qoljetımdı jaǧdailar jasaldy, myŋdaǧan bala sportqa tartyluda. “Balalar Futbol Ligasy” - jai ǧana jarys emes. Būl - arman, ülken maqsattar jäne almatylyqtardyŋ jaŋa ūrpaǧyn tärbieleu turaly joba. Bız osy mausymda alaŋǧa şyqqan ärbır balany maqtan tūtamyz», - dep atap öttı.
Almaty futbol federasiiasy jattyqtyruşylarǧa, ata-analarǧa, töreşılerge jäne erıktılerge rizaşylyǧyn bıldıredı. Qalada būqaralyq futboldy jäne balalar men jasöspırımderge arnalǧan sport jobalaryn damytuǧa jüielı qoldau körsetıp Almaty qalasy äkımdıgıne erekşe alǧys aitylady.
