Soltüstık Amerika materigınınde ornalasqan, jer aumaǧy boiynşa düniejüzı elderı arasynda ekınşı orynda ornalasqan, tabiǧaty men mädenietı küllı älem boiynşa köptegen adamdardy qyzyqtyratyn Kanada memleketınıŋ astanasy Ottava qalasynda tūŋǧyş ret I-şı Halyqaralyq «Ottava» quyrşaq teatrlar festivalı jazdyŋ şuaqty da körıktı şılde aiynda ötkızıldı. Kanadalyq körermenderge düniejüzınıŋ quyrşaq önerlerın tanystyryp, halyqaralyq şyǧarmaşylyq pen yntymaqtastyqty közdegen mädeni ıs-şaraǧa elımızdıŋ kök tuyn ūstap qatysqan alǧaşqy qazaqstandyq öner ördasy Almaty Memlekettık quyrşaq teatry boldy. Atalmyş teatrdyŋ şyǧarmaşylyq ūjymy festival aiasynda kanadalyq körermenderdıŋ nazaryna öz repertuaryndaǧy erekşe qoiylymdardyŋ bırı, aǧylşyn dramaturgy Uiliam Şekspirdıŋ äigılı tragediiasy jelısımen sahnalanǧan, näzık te taza mahabbattyŋ qūdıretın sezdıretın «Romeo men Djuletta» spektaklın ūsyndy.
Quyrşaq teatrynyŋ repertuaryndaǧy «Romeo men Djuletta» spektaklı 2019 jyly belgılı rejisser Dina Jūmabaevanyŋ jetekşılıgımen jaryqqa şyqty. Eresekterge arnalǧan būl qoiylym özınıŋ erekşe quyrşaqtarymen jäne sahnalyq şeşımderımen premerasy ötkızılgen kezden bastap köpşılık körermender men teatr synşylarynyŋ joǧarǧy baǧasyn ielengen edı. Bırtalai halyqaralyq jäne respublikalyq deŋgeidegı teatr festivalderınde de baq synap, būl qoiylym quyrşaq teatrynyŋ abyroiyn asqaqtatqan. Mysaly, 2022 jyly atalmyş spektakl Bolgariia Respublikasy Varna qalasynda ötken halyqaralyq «Altyn delfin» quyrşaq teatrlar festivalınde üzdık dep tanylyp «Gran-pri» jüldesıne, «Eŋ üzdık er adam» jüldesıne, «Eŋ üzdık debiut» jüldesıne laiyqty bolǧan. Al
Körkemdık deŋgeiınıŋ joǧary boluyna bailanysty kanadalyq körermen nazaryna ūsynǧan būl qoiylym memleket astanasynyŋ ortalyǧynda ornalasqan Ottava Universitetınıŋ «Academic Hall» sahnasynda 3-ı jäne 4-şı şılde künderı sahnalandy. Kanadalyq azamattar da, atalmyş elde tūryp jatqan otandastarymyz ben qandastarymyz da spektakldı tamaşalap, zor qoşemet pen jyly lebızderın bıldırdı.
Qazaqstan Respublikasynyŋ Kanadadaǧy Tötenşe jäne Ökılettı Elşısı Däuletbek Qūsaiynov festival aiasynda quyrşaq teatryna qoldau bıldırıp, «Romeo men Djuletta» spektaklın tamaşalap: «Bızdıŋ jastar öte joǧary deŋgeide jūmys körsettı jäne öte qyzyq mahabbat hikaiasyn sezındırdı. Öz daryndaryn, jalpy qazaq jastaryna tän talantty Kanada halqyna tanystyrdy», – dep baǧalap öttı.
Al Kanadanyŋ Qazaqstan Respublikasyndaǧy Tötenşe jäne Ökılettı Elşısı Alan Hamson bolsa: «Artisterdıŋ tamaşa önerıne kuä boldym. «Romeo men Djulettanyŋ» osy bır interpritasiiasy bızdı qatty taŋǧaldyrdy!», – dep pıkır bıldırdı.
Festival soŋynda Almaty Memlekettık quyrşaq teatrynyŋ «Romeo men Djuletta» spektaklı eŋ üzdık ärı eŋ tabysty dep tanylyp, «Gran-Pri» jüldesıne ie boldy. I-şı Halyqaralyq «Ottava» quyrşaq teatrlar festivalı aiasynda quyrşaq teatrynyŋ artisterı qazaq quyrşaq önerınıŋ, qazaq teatry önerınıŋ, jalpy qazaq halqynyŋ önerlılıgın sahna törınde asqaqtatyp, zor şabytqa keneldı.
