Foto: Reuters
Türkiianyŋ syrtqy ıster ministrlıgı soŋǧy künderı Qara teŋızde mūnai tankerlerıne jasalǧan şabuyldarǧa bailanysty resmi alaŋdauşylyq bıldırdı. Ministrlık ökılı Öndju Kecheli 30 qaraşada taratqan mälımdemesınde Gambiia tuy astynda jürgen Kairos jäne Virat tankerlerıne jasalǧan soqqylar öŋırdegı keme qatynasy qauıpsızdıgıne eleulı qater töndırgenın atap öttı.
Kechelınıŋ aituynşa, atalǧan şabuyldar Türkiianyŋ airyqşa ekonomikalyq aimaǧynda tırkelgen.
«Būl oqiǧalar keme qatynasy üşın ǧana emes, adamdardyŋ ömırı, mülık jäne qorşaǧan orta üşın de aitarlyqtai qauıp tuǧyzdy», – dedı ol.
Şabuyldarǧa jauapkerşılıktı Ukraina öz moinyna alǧanymen, Türkiianyŋ resmi mälımdemesınde Kievtıŋ äreketı tıkelei aiyptalmaǧan. Ministrlık ökılı Ankaranyŋ «qyzyǧuşylyq tanytqan taraptarmen bailanysta» ekenın, Qara teŋız aimaǧynda soǧystyŋ uşyǧuyna jol bermeuge jäne Türkiianyŋ ekonomikalyq müddelerın qorǧauǧa tyrysatynyn mälımdedı.
28 qaraşa keşkısınde Türkiia jaǧalauynda bolǧan oqiǧada Kairos jäne Virat tankerlerı soqqyǧa ūşyraǧan. Ukrainalyq BAQ derekterıne säikes, olardy Ukraina Qauıpsızdık qyzmetınıŋ (SBU) Sea Baby teŋız drondary zaqymdaǧan. Ekı tanker de jüksız küide Reseidıŋ Novorossiisk portyna baǧyt alǧan.
Būl tankerler Reseidıŋ sanksiiadan jaltaru üşın qoldanatyn «köleŋkelı flotyna» jatatyndyǧymen belgılı. Olar Batys elderınıŋ sanksiiasyna ılıkken jäne Resei mūnaiyn tasymaldauǧa qatysqany üşın halyqaralyq baqylauda.
Oqiǧalar Resei – Ukraina arasyndaǧy soǧys teŋızge qarai auysa bastaǧanyn körsetedı. Qara teŋız arqyly halyqaralyq jük tasymalyna täueldı Türkiia jaǧdaidyŋ uşyǧuy aimaqtyq qauıpsızdık pen ekonomikalyq tūraqtylyqqa qauıp töndıretının atap ötude.
Būdan aldyn Qazaqstan Ukrainaǧa Novorossiisk teŋız porty akvatoriiasynda halyqaralyq Kaspii qūbyr konsorsiumynyŋ asa maŋyzdy infraqūrylymyna baǧyttalǧan kezektı maqsatty şabuylǧa bailanysty resmi türde narazylyq bıldırgen. Astana Kievtıŋ şabuylyn ekı jaqty "qatynasqa zalal keltıretın äreket" dep baǧalaǧan.
