Batys Qazaqstan oblysy aumaǧynda qūlaǧan ūşqyşsyz ūşu apparatyna qatysty qorǧanys ministrlıgı mälımdeme jasady, dep habarlaidy "Adyrna" ūlttyq portaly.
Vedomstvonyŋ mälımetınşe, dronnyŋ qaldyqtary eldı mekenderden alşaq jerden tabylǧan. Zardap şekkender men materialdyq şyǧyn joq.
«Uäkılettı memlekettık organdarmen bırlesıp, oqiǧanyŋ män-jaiyn jäne nysannyŋ şyǧu tegın anyqtauǧa baǧyttalǧan tekseru ıs-şaralary jürgızılıp jatyr», — delıngen ministrlık habarlamasynda.
Qorǧanys ministrlıgı atap ötkendei, äue keŋıstıgın baqylaudy küşeitu jäne şekarany rūqsatsyz kesıp ötuge jol bermeu maqsatynda qosymşa şaralar qabyldanǧan.
Aita keteiık, būǧan deiın äleumettık jelılerde Batys Qazaqstan oblysy aumaǧynda ūşqyşsyz ūşu apparaty qūlaǧany turaly aqparat taraǧan edı.
